უზიარებლობით დამსაჯა და უფრო მეტი ბოროტება ჩაიდინა _ იღუმენია თამარი პატრიარქზე

მარტვილის წმინდა ნინოს მონასტრის ყოფილ წინამძღვარს, იღუმენია თამარ გამყრელიძეს პატრიარქმა ზიარების მიღება აუკრძალა. საპატრიარქოს წერილში, რომელსაც ხელს ილია მეორე აწერს, ნათქვამია, რომ იღუმენიას მიეცა დრო სინანულისთვის, რათა მან მოინანიოს მასმედიასა და სოციალურ ქსელებში იერარქიის მიმართ გაკეთებული ბრალდებები და შეურაცმყოფელი განცხადებები.

პატრიარქის გადაწყვეტილებას თავად იღუმენიაც გამოეხმაურა.

“ცნობისათვის, ეს ის საპატრიარქოს მღვდელმთავრების კომისიაა, კიდევ ერთი საქართველოს ეკლესიის “მარგალიტ” დეკანოზ მიქაელ ბოტკოველთან ერთად, რომელმაც, მე იღუმენია თამარ გამყრელიძე, სიმართლისათვის, სამართლიანობისათვის და მართალი მღვდელმთავრის გვერდში დგომისათვის, უზიარებლობით დამსაჯა და უფრო მეტი ბოროტება ჩაიდინა. მხოლოდ საკუთარი სირცხვილის, თავისი უღირსების გადასაფარავად პასუხისმგებლობა პატრიარქს დააკისრეს და სადამსჯელო ბრძანება მისი ფაქსიმელიით გამომიგზავნეს. სად არის საპატრიარქოს კიდევ ერთი “მთავარი” ფიგურა ე.წ ტახტის მოსაყდრე მიტროპოლიტი შიო მუჯირი?! ვაი შენდა დღევანდელო საქართველოს საპატრიარქოვ! უფალმა განწმინდოს, სიმართლის, ჭეშმარიტების ზეიმი ქრისტეშობა გაგვითენოს და დაგმოს ყოველივე ფარისევლობა, ფარისევლობის მსახურება და ფარისევლური ალილო!” – იღუმენია თამარი.