ვერძი
აქტიური მომხმარებელია. ხშირად აკომენტარებს სხვების პოსტებს. შეიძლება სკანდალური პოსტიც “გამოაცხოს” და მომხმარებლების რეაქციას დააკვირდეს. არ უყვარს უცხო ადამიანების მეგობრებში დამატება. მისი გვერდით შეგვიძლია ვივარაუდოთ, რომ ინტელექტუალური, იუმორის გრძნობიარე და კარგი გემოვნების მფლობელია.
კურო
რეგისტრირდება ან სამსახურის ან სწავლის გამო. იშვიათად აქტიურობს და რეაგირებს სხვა მომხმარებლის აქტიურობაზე. მისთვის ვირტუალური ურთიერთობა უჩვეულოა. მოწონებასაც იშვიათად იმეტებს.
ტყუპი
აქტიური მომხმარებელია. ყველაფერს ათვალიერებს, ყველას ცხოვრების აქტიური შემფასებელი და დამკვირვებელია. წერა კარგად გამოსდის, რის გამოც მის პოსტებს ფანების მთელი ჯარი ჰყავს.
კირჩხიბი
ვირტუალური სამყაროსგან იცავს პირად ცხოვრებას. მეგობრებისთვის შეფასებები არ ენანება. მათ გვერდზე პერიოდულად ჩნდება მოწყენილი ნახატები, მელოდიები.
ლომი
ყველაფერზე აქვს საკუთარი მოსაზრება და ყველას უზიარებს მას. ცდილობს მუდამ ორიგინალური გამოჩნდეს. მის კედელზე ხშირად ნახავთ პროფილის ლამაზ ფოტოებს. მილიონი მეგობარი ჰყავს და ამაყობს კიდეც ამით.
ქალწული
ფრთხილია შეფასებაშიც და საკუთარი აზრის გამოთქმისას. საკუთარ თავზე ინფორმაციის გაცემა არ უყვარს და შეიძლება გამოგონილი სახელით იყოს დარეგისტრირებული. გრამატიკულ შეცდომებზე მწვავე რეაქცია აქვს.
სასწორი
უამრავი მეგობარი ჰყავს. ნახევარს არც იცნობს. მეგობრებს ლამაზ ჩაცმულობასა და პოზებში გადაღებულ სურათებს აზიარებს. უზრდელურ კომენტარებსაც კი დიპლომატიურად პასუხობს.
მორიელი
არ ადარდებს რა რეაქციას გამოიწვევს მისი კომენტარი, მუდამ წერს იმას, რასაც ფიქრობს. მეგობრები ცოტა ჰყავს. პროფილი უცხოებისთვის დახურული აქვს.
მშვილდოსანი
შემრიგებელია. ცდილობს მშვიდობა დაამყაროს. საკუთარ გვერდებზე დებს მოგზაურობის ფოტოებს. აგრეთვე იმ წვეულებების თუ კულტურული ცხოვრების ამსახველ კადრებს, რომელსაც თავად დაესწრო.
თხის რქა
იშვიათად სარგებლობს სოციალური ქსელებით. შეიძლება დარეგისტრირდეს, მაგრამ მხოლოდ ახლობლებს დაიმეგობრებს, მოწონებას იშვიათად გამოიმეტებს და მით უმეტეს საჭმელების ფოტოებს არ გამოაქვეყნებს.
მერწყული
აქტიური მომხმარებელია. მუდამ მზადაა ურთიერთობისთვის, პოლემიკისთვის. კედელზე საყვარელ ფოტოებს დებს. სურს, ცოტათი მაინც დაასვენოს ხალხი პრობლემებისგან და ლამაზი ფოტოებით გაულამაზოს მათ ცხოვრება.
თევზები
სოციალურ ქსელებში თავს ისე გრძნობს, როგორც თევზი წყალში. საკუთარ მოსაზრებებსა და ფოტოებს ხშირად უზიარებს მეგობრებს. არც რაიმეს დამალვა შეუძლია. მთელმა ინტერნეტმა იცის როგორ უყვარს, როგორ ატკინეს გული.
