სისუფთავის ხარისხი იქ, სადაც ადამიანი ცხოვრობს, 21-ე საუკუნეში არავის უნდა ესწავლებოდეს. თუმცა, დღეს, როგორც ვხედავთ, მთელი მსოფლიო, სწორედ ამ კუთხით დადგა გამოწვევის წინაშე _ კორონავირუსმა ადამიანთა ყოფნას საფრთხე შეუქმნა.
ახლა გთავაზობთ რჩევებს, რომელიც ეფექტურად შეგეშველებათ დეზინფექციაში.
ხელების დასამუშავებლად საუკეთესოა ხსნარი, რომელიც შემდეგნაირად მზადდება: დაკრიფეთ ახალი ჭინჭარი, კარგად გარეცხეთ, დაკეპეთ და დაასხით შინნახადი არაყი ან სააფთიაქო სპირტი. გააჩერეთ ერთი დღე, თავდახურული. მეორე დღიდან, შეგიძლიათ ამ სითხით, დაბანის შემდეგ, დაიმუშაოთ ხელები. თუ ოდნავ წვა იგრძნოთ, გადმოასხით ცოტა, დაუმატეთ ასევე ცოტა გლიცერინი და ასე გამოიყენეთ.
ეს ნაყენი, ცოტა გადადუღებულ და გაგრილებულ წყალს თუ დაუმატებთ, საუკეთესოა პირის ღრუსა და ყელში გამოსავლებად.
პირის ღრუსა და ყელში გამოსავლებად კარგია ვაშლის ძმრის და წყლის ნაზავი _ შეურიეთ ერთ ჩაის ჭიქა წყალში ნახევარი ჩაის ჭიქა ვაშლის ძმარი. ვაშლის ძმარს არ ახასიათებს ისეთი სიმძაფრე, რომ ყელში გამოვლებისას ვერ გაუძლოთ. ამიტომ უმჯობესი იქნება, წყლის გარეშე თუ გამოივლებთ. გამოვლებიდან ერთი საათის განმავლობაში მაინც ნუ დალევთ წყალს და ნურც საკვებს მიიღებთ. დამერწმუნეთ, ეს საუკეთესო საშუალებაა თვითდეზინფექციისთვის და ვირუსის წინააღმდეგ საბრძოლველად.
საღამოობით თუ ხელებს მარილიანი წყლის აბაზანაში ჩადებთ, რომელშიც ჩაუშვებთ ლიმონის რამდენიმე წვეთს, ეს ვირუსის წინააღმდეგაც და დაღლილობის მოსახსნელადაც დაგეხმარებათ.
პირის ღრუსა და ყელში, ასევე, ხშირად გამოივლეთ სოდიანი თბილი წყალი, რომელშიც ლიმონს რბილობიანად ჩაჭყლეტთ (ერთ ჩაის ჭიქაში ერთი საშუალო ზომის ლიმონი). ჭინჭარზე მომზადებული არყის ნაყენით, შეგიძლიათ, დაასველოთ ჩვარი და გადაწმინდოთ სამზარეულოს მაგიდა, სკამები, ასევე, სამუშაო ოთახში მაგიდა, სადაც საქმიანობა გიხდებათ. ოთახი გაანიავეთ, სპირტის სუნი მალე გაქრება.
გალინა წიტაიშვილი
