ამერიკის შეერთებული შტატების პრეზიდენტი ჯო ბაიდენი რუსეთის პრეზიდენტ ვლადიმერ პუტინს დღეს ესაუბრა. ინფორმაცია ამის შესახებ თეთრი სახლის ოფიცალურ ვებ- გვერდზე გამოქვეყნდა.
როგორც თეთრი სახლის ადმინისტრაციის მიერ გავრცელებულ განცხადებაში წერია, ბაიდენმა და პუტინმა, ორი ქვეყნისთვის აქტუალური საკითხები განიხილეს – შეთანხმდნენ, START ხელშკრულების 5 წლით გახანგრძლივებაზე, რომელიც ატომური იარაღის გამოყენების შეზღუდვას გულისხმობს და შეეხნენ თავდაცვის საკითხებსაც.
ასევე, აშშ-ს პრეზიდენტმა ჯო ბაიდენმა, ვლადიმერ პუტინს კიდევ ერთხელ შეახსენა, რომ შტატები უკრაინის სუვერენიტეტს უჭერს მხარს, ასევე საუბარი შეეხო აშშ-ს 2020 წლის საპრეზიდენტო არჩევნებში ჩარევას, ალექსეი ნავალნის მოწამვლასა და რუსეთის მიერ, ამერიკული სამხედრობის მკვლელობაზე გამოცხადებულ ჯილდოებს.
,,პრეზიდენტმა ჯოზეფ ბაიდენმა უმცროსმა, დღეს ისაუბრა რუსეთის პრეზიდენტ ვლადიმერ პუტინთან. მათ განიხილეს ორივე ქვეყნის მზადყოფნა აქტუალური საკითხები განიხილეს – შეთანხმდნენ, START ხელშკრულების 5 წლით გახანგრძლივებაზე, მათი გუნდი 5 თებერვლისთვის, სასწრაფოდ დაიწყებს მუშაობას, რათა დასრულდეს გაფართოება. ისინი, ასევე შეთანხმდნენ შეისწავლონ სტრატეგიული სტაბილურობის საკითხები, როგორიცაა იარაღის კონტროლისა და უსაფრთხოების საკითხები.
პრეზიდენტმა ბაიდენმა დაადასტურა შეერთებული შტატების მტკიცე მხარდაჭერა უკრაინის სუვერენიტეტის მიმართ. მან, ასევე ისაუბრა SolarWinds-ზე განხორციელებულ კიბერშეტევაზე, გავრცელებულ ინფორმაციაზე, რომ რუსეთი ავღანეთში გარკვეულ ჯგუფებს გასამჯელოს სთავაზობდა ამერიკელი სამხედროების ლიკვიდაციისთვის, აშშ-ის 2020 წლის არჩევნებში ჩარევასა და ალექსეი ნავალნის მოწამვლაზე.
პრეზიდენტმა ბაიდენმა განმარტა, რომ შეერთებული შტატები მტკიცედ იმოქმედებს ეროვნული ინტერესების დასაცავად, რუსეთის ქმედებების საპასუხოდ, რომლებიც ზიანს აყენებს ჩვენ ან ჩვენს მოკავშირეებს. ორი პრეზიდენტი შეთანხმდნენ, რომ გამჭვირვალე და თანმიმდევრული კომუნიკაცია გაგრძელდება“ – წერია თეთრი სახლის განცხადებაში.
ცნობისთვის, ინაუგურაციის შემდეგ ჯო ბაიდენი ბრიტანეთის პრემიერ-მინისტრ ბორის ჯონსონს და კანადის პრემიერ- მინისტრ ჯასტინ ტრუდოსაც ესაუბრა.
