„ნაციონალური მოძრაობის” თავმჯდომარე ნიკა მელია საპატიმროდან კარტოგრაფების ივერი მელაშვილისა და ნატალია ილიჩოვას გათავისუფლებას სოციალურ ქსელში გამოეხმაურა.
„ივერი მელაშვილისა გაუტეხლობამ, უკომპრომისობამ, მისი ადვოკატების, სამოქალაქო საზოგადოების ბრძოლამ და საერთაშორისო თანამეგობრობის წნეხმა დააყენა დღევანდელი შედეგი – დღეს ბატონი ივერი საკნის ნაცვლად სატელევიზიო ეთერებშია და დაუნდობლად ამხელს მოძალადე ხელისუფლებას.
ვუსმენ ბატონ ივერი მელაშვილს და არ მესმის, როგორ არ უნდა აენთო ბრძოლის ჟინით, თუ ამ პატრიოტ და უტეხ კაცს უსმენ?!
დავიჯეროთ, რომ ყველას შეგვიძლია გამარჯვება!“_ წერს მელია Facebook-გვერდზე.
