ქალაქ ოზურგეთის #1 საჯარო სკოლის ფეისბუქგვერდზე ვრცელდება ინფორმაცია, რომ კორონავირუსის საწინააღმდეგო ვაქცინით პედაგოგების 80% აიცრა.
“ჩვენი სკოლის პედაგოგიური საზოგადოების 80% სრულად, 12% კი პირველი დოზით უკვე აიცრა.
მოგიწოდებთ პირველი საჯარო სკოლის მოსწავლეების მშობლებს _ ჩვენ ავიცერით ჩვენი და თქვენი შვილებისთვის! აიცერით თქვენც!
მხოლოდ ამ გზით შევძლებთ მალე შევხვდეთ ერთმანეთს და განვაახლოთ სასწავლო პროცესი ჩვენი ლამაზი სკოლის კედლებში!“ _ წერია ქალაქ ოზურგეთის #1 საჯარო სკოლის მიერ გავრცელებულ განცხადებაში.
