დღეს, ოზურგეთში, გაეროს ბავშვთა ფონდის და საქართველოს მთავრობის ერთობლივი კამპანიის ფარგლებში, კოვიდ-19-ის საწინააღმდეგო ვაქცინაციის პროგრამაში პედაგოგები ჩაერთნენ.
სესია ოზურგეთის პირველ საჯარო სკოლაში ჩატარდა. ცნობილი, წარმატებული მედიკოსები შეხვდნენ მასწავლებლებს და ესაუბრნენ კოვიდ 19-ის საწინააღმდეგო ვაქცინაციის სარგებლობისა და მნიშვნელობის შესახებ.
სესიაზე ოზურგეთის მუნიციპალიტეტის სოფლების სკოლების პედაგოგებს ესაუბრა იუნისეფის წარმომადგენელი ემი ქლენსი. მან განსაკუთრებით გაუსვა ხაზი, თუ რაოდენ მნიშვნელოვანია სკოლების უსაფრთხოდ გახსნა, რისთვისაც პედაგოგთა ვაქცინაცია აუცილებელია.
ემი ქლენსმა ასევე საგანგებო მადლობა გადაუხადა ქართველ ექიმებს, რომლებიც გადატვირთულ რეჟიმში ახერხებენ, თუნდაც აქ იყვნენ დღეს და ყველა პედაგოგს გასცენ დასმულ კითხვებზე პასუხი.
ალერგიის და იმუნოლოგიის ცენტრი გენერალური დირექტორი, მედიცინის დოქტორი მაია გოთუა, მედიცინის დოქტორი, პროფესორი მამუკა ბოკუჩავა, კლინიკა რეიმანის კლინიკური სერვისების დირექტორი, მედიცინის დოქტორი ნინო კიკნაძე, ბოხუას სახელობის კარდიოვასკულური ცენტრის და „ნიუს ჰოსპიტალის“ ანესთეზიის დეპარტამენტის ხელმძღვანელი, მედიცინის დოქტორი ლევან ვაშაკიძე თანმიმდევრულად და დაკონკრეტებით ესაუბრნენ მასწავლებლებს მათთვის საინტერესო ყველა საკითხზე. ისაუბრეს საქართველოში კოვიდ 19-თან დაკავშირებულ იმუნიზაციის ტენდენციებსა და მიმდინარე ეპიდემიოლოგიურ ვითარებაზე.
გურიაში სახელმწიფო რწმუნებულის მოადგილემ, ქეთი მოისწრაფეშვილმა მოკლედ მომოიხილა ადგილზე არსებული ვითარება და თქვა, რომ ოზურგეთში 1428 მასწავლებლიდან უკვე 1139 მასწავლებელია ვაქცინირებული. ეს არის საუკუთესო მაჩვენებელი_ 97 % აცრილია. ხოლო დარჩენილი მცირე რაოდენობაც მალე აიცრება.
სესიის დასრულების შემდეგ, ჯანდაცვის ექსპერტებმა მასწავლებლებს შესთავაზეს ვაქცინაცია, რაც უმეტესობამ ჩაიტარა.
სინოფარმით პირველები აიცრნენ ოზურგეთის მუნიციპალიტეტის სოფელ ჭანიეთის მასწავლებელი ირმა წიტაიშვილი, ნატანების საჯარო სკოლის მასწავლებელი მარინა ზოიძე.
საინფორმაციო შეხვედრაზე, რამაც ორ საათზე მეტხანს გასტანა, გაჟღედა ძალზე საინტერესო საკითხები კოვიდ 19-ს საწინააღმდეგო ვაქცინაციის, ასევე ამ მოვლენასთან დაკავშირებული ვითარების შესახებ, რასაც მალე შემოგთავაზებთ ვრცელ სტატიაში.
[sexy_author_bio]
