NBA და NBA G ლიგაში 3 ქართველი ირიცხება. სასიხარულოა რომ ამ ორ დღეში სამივე მათგანმა შეძლო თავის გამოჩენა.
მართალია, Indiana Pacesrs-მა ქართველი ცენტრი, გოგო ბითაძე, NBA G ლიგის საკუთარ სარეზერვო გუნდში, Fort Wayne Mad Ants-ში გაუშვა, მაგრამ ამ ეტაპზე ძირითად გუნდში სკამზე ჯდომას და მხოლოდ რამდენიმე წუთიანი სათამაშო დროის მიღებას, G ლიგაში სათამაშო პრაქტიკის მიღება რომ ჯობს ბევრი დაგვეთანხმება. მითუმეტეს რომ, გოგამ ზედიზედ ორი თამაში ჩაატარა და ორივე ძალიან მაღალ დონეზე. სასიხარულოა ის ფაქტიც, რომ ერთი დღის ინტერვალში Mad Ants ორჯერ ეთამაშა Grand Rapids Gold-ს, რომლის შემადგენლობაშიც ასევე ორივე თამაშში თავი გამოიჩინა კიდევ ერთმა ქართველმა გიორგი ბეჟანიშვლიმა (ამ ეტაპზე გიორგი ავსტრიის მოქალაქეა, თუმცა მომავალში, ჩვენი ნაკრების ერთ-ერთი კანდიდატად ნამდვილად განიხილება).
მივყვეთ ქრონოლოგიურად. 14 დეკემბერს ამ ორ გუნდს შორის გამართული დაპირისპირება გოგა ბითაძის გუნდის გამარჯვებით 139:122 დასრულდა. ქართველების სტატისტიკა კი ასეთი იყო:
გოგა ბითაძე 23 წუთი, 19 ქულა (8/11), 3-დან 1 სამქულიანი, 7 მოხსნა, 1 ჩაჭრა, 3 დაფარება, 5 პერსონალური, 6 დაკარგვა.
გიორგი ბეჟანიშვილი 32 წუთი, 16 ქულა (8/14) , 10 მოხსნა, 3 გადაცემა, 1 პერსონალური და ორი დაკარგვა.
რაც შეეხება დღეს გამთენიისას გამართულ მატჩს, გოგოა ბითაძე უბრალოდ შეუდარებელი იყო – 38 წუთი, 38 ქულა (13/19), 14 მოხსნა, 5 გადაცემა, 1 ჩაჭრა, 1 დაფარება, 1 პერსონალური ჯარიმა, არცერთი დაკარგვა. (6-დან 8 სამქულიანი) !
მიუხედავად იმისა, რომ გიორგი ბეჟანიშვილის გუნდმა მეორე თამაშიც წააგო (127:131), მანაც ძალიან მაღალი დონის თამაში აჩვენა და თითქმის ყველა ნასროლი ბურთი ჩააგდო – 37 წუთი, 25 ქულა (11-დან 12 ორქულიანი !, 2-დან 2 საჯარიმო, 1 სამიანი ააცილა), 7 მოხსნა, 1 პასი, 1 პერსონალური და ბურთი 4-ჯერ დაკარგა. აღსანიშნავია ის ფაქრიც, რომ Grand Rapids Gold-ის რიგებში ძალიან კარგი დებიუტი ჰქონდა Isaiah Thomas, რომელიც კარგად ემახსოვრება NBA-ის გულშემატკივარს. (42 წუთი, 42 ქულა, 8 პასი, 6 მოხსნა, 2 ჩაჭრა).
რაც შეეხება უშუალოდ NBA-ს, საკამოდ დიდი სათამაშო დრო მიიღო სანდრო მამუკელაშვილმა. დღეს გამთენიისას გამართულ შეხვედრაში „მილოუკი ბაქსმა“ ბითაძის „ინდიანა პეისერსი“ საკმაოდ იოლად 114:99 დაამარცხა, მიუხედავად იმისა რომ მილოუკელებს მთავარი ვასრკვლავი, გიანის ანტეტოკუმპო აკლდათ. მამუკელაშვილის მონაგარი ასეთი იყო: 16 წუთი, 3 ქულა, 4 მოხსნა, 1 პასი, 1 ჩაჭრა. იმედია სანდრო შემდეგ მატჩებშიც სტაბილურად მიიღებს სათამაშო დროს.
[sexy_author_bio]
