BBC-ის ინფორმაციით, რუსეთის პრეზიდენტმა, ვლადიმერ პუტინმა, რამდენიმე წუთის წინ განაცხადა, რომ აშშ ცდილობს, რუსეთმა ომი დაიწყოს უკრაინის წინააღმდეგ. რამდენიმე კვირის წინ მან ასევე განაცხადა, რომ ამერიკის მიზანი იყო გამოეყენებინა კონფრონტაცია, როგორც საბაბი რუსეთისთვის მეტი სანქციების დასაწესებლად.
დაძაბულობა ნელ-ნელა იმატებს უკრაინის საზღვრებთან რუსული ჯარების მობილიზების გამო. რუსეთი უარყოფს დასავლეთის ბრალდებებს, რომ ის გეგმავს უკრაინაში შეჭრას ყირიმის ანექსიიდან და უკრაინის რეგიონებში სისხლიანი აჯანყებიდან თითქმის რვა წლის შემდეგ. მოსკოვი კი, თავის მხრივ, უკრაინას ადანაშაულებს აღმოსავლეთ რეგიონებში მშვიდობის აღდგენის საერთაშორისო შეთანხმების შეუსრულებლობაში. ამ დროს 14,000-მდე ადამიანი დაიღუპა და რუსეთის მხარდაჭერილი მეამბოხეები აკონტროლებდნენ ტერიტორიის დიდ ნაწილს.
პუტინმა ასევე თქვა, რომ თუ უკრაინა ნატოში გაწევრიანების სურვილს დააკმაყოფილებს, იგი ომში სხვა წევრებსაც ჩაითრევს. უნგრეთის პრემიერ მინისტრთან საუბრისას მან თქვა:
„მეჩვენება, რომ ამერიკა საკმაოდ შეშფოთებული არ არის უკრაინის მდგომარეობით. როგორც ჩანს, მისი მთავარი ამოცანა რუსული განვითარების შეჩერებაა. ამ თვალსაზრისით, უკრაინა მხოლოდ ინსტრუმენტია მიზნის შესასრულებლად“
მეტოქეობა რუსეთსა და აშშ-ს შორის ჯერ კიდევ 1947 წლიდან დაიწყო და 1989 წლამდე გრძელდებოდა(ცივი ომი). თუმცა ეს ორი სახელმწიფო მსოფლიოს უდიდესი ბირთვული არსენალის მფლობელია.
ვლადიმერ პუტინმა განცხადება შემდეგი სიტყვებით დაასრულა:
„წარმოიდგინეთ, უკრაინა ნატოს წევრი გახდა და ამ დროს დაიწყო ყირიმის დასაბრუნებელი ოპერაცია. რა – ვაპირებთ ნატოსთან ბრძოლას? ვინმეს უფიქრია ამაზე? ალბათ არავის!“
შეგახსენებთ, რომ მდგომარეობა უკრაინა-რუსეთის საზღვარზე კვლავ დაძაბულია.
ავტორი: ცოტნე ქევხიშვილი
