დღეს საქართველო დამოუკიდებლობის დღეს აღნიშნავს.
26 მაისისადმი მიძღვნილი საზეიმო ღონიძიებები გურიის რეგიონშიც არის დაგეგმილი.
ოზურგეთში, 26 მაისს, მთელი დღის განმავლობაში გაიმართება სხვადასხვა სახის საზეიმო და შემეცნებითი ღონისძიება:
მუსიკალური და თეატრალური წარმოდგენები, ისტორიული გამოფენები, მოეწყობა ქართული-ხალხური ტრადიციების კუთხეები, გაიმართება სპორტული აქტივობები, კონკურსები, საბავშვო სპექტაკლები და შოუები.
საღამოს კი დასკვნითი კონცერტია დაგეგმილი, აჩიკო ნიჟარაძის, სოფო გელოვანის, თემურ თათარაშვილის და ნოდარიკო ხუციშვილის ბენდის მონაწილეობით.
საქართველოს დამოუკიდებლობის დღისადმი მიძღვნილი ღონისძიებები იმართება ჩოხატურის მუნიციპალიტეტშიც.
11:00 სთ – სადღესასწაულო სპორტული ღონისძიებების გახსნა ბ. პაიჭაძის ცენტრალურ სტადიონზე შედგება.
11:15 სთ – დან პარალელურად გაიმართება:
დოღი; ბაგირის გადაძალვა; საჩვენებელი შეჯიბრება რაგბიში ადგილობრივი გუნდების ,,ღონეს“ და ,,ჯანის“ მონაწილეობით; მკლავჭიდი; სპორტულ შეჯიბრებებში გამარჯვებულთა დაჯილდოების ცერემონია.
13:00 სთ – სახალხო მსვლელობა სასულე ორკესტრთან ერთად (წმ.იოაკიმესა და ანას სახელობის ტაძრის მიმდებარე მოედნიდან (დუმბაძის ქუჩის გავლით) თეატრალურ მოედნამდე).
13:10 სთ – პერფორმანსი, ქართული ტრადიციული ცეკვები.
ფოტოგამოფენა სახელწოდებით ,,ჩოხატაური გუშინ და დღეს“;
ჩოხატაურის მხარეთმცოდნეობის მუზეუმის ექსპონატების გამოფენა,
XIX და XX საუკუნის სამოსში გამოწყობილი ადამიანების წარმოდგენა; ყარაჩოხელების პერფორმანსი; ხელნაკეთი ნივთების გამოფენა-გაყიდვა; ყვავილებისა და კოლხური ბზის გამოფენა-გაყიდვა; ასფალტზე ხატვა; სახის მოხატვა; ფოტოსესია; 14:00 სთ – საზეიმო კონცერტი ხელოვნების სასახლეში.
26 მაისის აღსანიშნავად, ლანჩხუთში, სხვადასხვა სახის კულტურული და სპორტული ღონისძიება გაიმართება:
12:00 საათი – საქართველოს პირველი დემოკრატიული რესპუბლიკის მთავრობის თავმჯდომარის ნოე ჟორდანიას ბიუსტის შემკობა;
12:30 საათი – საქართველოს ტერიტორიული მთლიანობისთვის დაღუპული ვაჟა თოდუას საფლავზე ბიუსტის გახსნა;
სპორტული აქტივობები: მარათონი, ჭადრაკი, ბაგირის გადაძალვა, მკლავჭიდი.
13:00 საათი – მხატვარ ხათუნა ხუბულავას პერსონალური გამოფენა, სახის მოხატვა
16:00 საათზე კი საზეიმო კონცერტია დაგეგმილი.
