“ჯაყო“, “კაცია-ადამიანი?“, “შაშვი, შაშვი მაყვალი“ – ნოდარ დუმბაძის სახელობის საერთაშორისო ფესტივალის გამარჯვებულები ცნობილია

ნოდარ დუმბაძის სახელობის მესამე საერთაშორისო ფესტივალი დასრულდა. ფესტივალის მეათე დღეს ოზურგეთის ალექსანდრე წუწუნავას სახელობის დრამატულ თეატრში კონკურს გარეშე ნაჩვენები იქნა ელენე მაცხონაშვილი “ცის კარი და ნიკა საბაშვილის “რესპუბლიკა გურია.

“რესპუბლიკა გურიას“ დასრულების შემდეგ ცნობილი გახდა კონკურსის რვაკაციანი ჟიურის გადაწყვეტილება და დაჯილდოვდნენ გამარჯვებულები. ფესტივალის არსებობის მანძილზე წელს პირველად გაიმართა კონკურსის წესით გამარჯვებულების დაჯილდოვება.

ზუგდიდის შალვა დადიანის სახელობის სახელმწიო პროფესიული დრამატულის თეატრის სპექტაკლმა “შაშვი შაშვი მაყვალი“ ორ ნომინაციაში გაიმარჯვა: საუკეთესო ქალის როლის შესრულებისთვის პრიზი გადაეცა მარინა დარასელიას და ქართული მწერლობის საუკეთესო სცენური ინტერპრეტაციისთვის-ზუგდიდის თეატრის სპექტაკლი “შაშვი შაშვი მაყვალი”-ინსცენირება ნიკა ჩიკვაიძე.“

ორ ნომინაციაში ხვდა გამარჯვება ცხინვალის ივანე მაჩაბლის სახელობის პროფესიული სახელმწიფო დრამატული თეატრის სპექტაკლს “ჯაყო“, რომლის რეჟისორი არის გოჩა კაპანაძე. მამაკაცის საუკეთესო როლის შემსრულებელი – რამაზ ხომასურიძე (ჯაყოს როლის შესრულებისთვის სპექტაკლში “ჯაყო”)  საუკეთესო სცენოგრაფია – ლომგულ მურუსიძე, ქეთი ციციშვილი (სპექტაკლისთვის “ჯაყო”)“

კომპანია “ასკანელმა“ დააწესა სპეციალური ფულადი პრიზი 5000 ლარის ოდენობით. ეს პრიზი გადაეცა რეჟისორ რობერტ სტურუას.

საქართველოს თეატრალური საზოგადოების დაწესებული სანდრო ახმეტელის პრემია მიენიჭა რეჟისორს დიმიტრი ხვთისიაშვილს. ასევე, კულტურის, სპორტის სამისტროს მიერ დაწესებულ ნომინაციაში გამარჯვებულად დასახელდა სპექტაკლი “ცის კარი“, რომელიც ოზურგეთის ალ.წუწუნავას სახელობის დრამატულ თეატრის დადგმაა. რეჟისორი _  ელენე მაცხონაშვილი.

საუკეთესო რეჟისორის ნომინაციაში გამარჯვებულად დასახელდა ელენე მაცხონაშვილი სპექტაკლისთვის “ნუ გააღვიძებ“, რომელიც წარმოადგენს ზესტაფონის უშანგი ჩხეიძის  სახელობის პროფესიული სახელმწიფო თეატრის სპექტაკლს.

გრან-პრი გადაეცა თელავის ვაჟა-ფშაველას სახელობის პროფესიული სახელმწიფო დრამატული თეატრის სპექტაკლს “კაცია-ადამიანი?!“პრიზი  გადაეცა ნომინაციაში “საუკეთესო სპექტაკლი.“  რეჟისორი _ ლევან წულაძე.

გრან-პრის ფულადი ჯილდო დააწესა “სმარტ-კაპიტალ ჯგუფმა“

ფესტივალი ერთი წლით დაემშვიდობა მაყურებელს.