ფეხით სიარული ყველაზე მოსახერხებელი ფიზიკური დატვირთვაა. არ გჭირდებათ განსაკუთრებული სპორტული ინვენტარი. მთავარია, რამდენიმე გაჩერება ფეხით გაიაროთ და წონაშიც დაიკლებთ. ოღონდ სწორად უნდა იაროთ. თუ როგორ, ამას მარტივად აგიხსნით.
ექსპერიმენტში მონაწილეობა რამდენიმე ჭარბწონიანმა მიიღო. მათ 5 თვეში 10 კილოს დაკლება შეძლეს. თანა ისე, რომ საკვების მიღებაში შეზღუდულები არ იყვნენ. ასე, სეირნობა-სეირნობაში იდეალური წონა მიიღეს.
მთავარი წესია, არ იაროთ ჩქარა, სწრაფად დაიღლებით. არც ნელა იაროთ, – შედეგს ვერ მიიღებთ. საშუალო სიჩქარე აირჩიეთ. თუ თქვენი სიჩქარე 5 კმ/სთ კალორიას დაწვავთ. დაინიშნეთ დრო. შეარჩიეთ აღმართი და აკონტროლეთ სუნთქვა: ისუნთქეთ მშვიდად და ღრმად.
სიარულის მარტივი მათემატიკა ასე გამოიყურება: დღეში განვლილი 1 კილომეტრი დაახლოებით 35 ათას ნაბიჯს უდრის, რაც 300 კალორიას წვავს. იმისათვის, რომ 500 გრამი დაიკლოთ, 3500 კალორია უნდა დაწვათ. ანუ კვირაში ყოველდღე უნდა დაწვათ 500 კალორია. იმისათვის, რომ კვირაში კილოგრამ-ნახევარი დაიკლოთ, ყოველდღე 1,5 კმ უნდა იაროთ ფეხით.
რამდენიმე რჩევა, სიარული მომაბეზრებელი რომ არ გაგიხდეთ:
- მარტომ რომ არ იაროთ, აიყოლიეთ მეგობრები. შეიძინეთ ძაღლი და მასთან ერთად იარეთ.
- შეცვალეთ მიმოსვლის მარშრუტი. მობილურში ჩამოტვირთეთ ნაბიჯმთვლელი. ასე უფრო მარტივად გაიგებთ გადადგმული ნაბიჯების რაოდენობას.
- ავტომობილი სამსახურთან ან სახლთან კი არა, ცოტა მოშორებით დააყენეთ, რათა ფეხით სიარულის საშუალება მოგეცეთ.
- თუ ძალიან შორს არ ხართ, ფეხით იარეთ სამსახურში, სასწავლებელში.
- იარეთ ფეხით კიბეებზე, რაც ფეხების ფორმას გაგილამაზებთ.
- ისეირნეთ ბავშვებთან ერთად.
- როცა კი საშუალება მოგეცემათ, ავტომობილით გადაადგილებას ფეხით სიარული ამჯობინეთ.
დაბოლოს, იარეთ ბეჭებში გამართულმა და მუცელშეწეულმა. ფეხით სიარული დაიწყეთ კვირაში სამჯერ, 20 წუთით. გახსოვდეთ, ფეხით სიარული გაგიუმჯობესებთ ჯანმრთელობას, კუნთებს მოიყვანს ტონუსში, გაგიხალისებთ ცხოვრებას და წონაში მტანჯველი დიეტების გარეშე დაიკლებთ.
წყარო: ekimo.ge
