იტალიური მედიის მტკიცებით, „ნაპოლის“ მფლობელი აურელიო დე ლაურენტისი რუდი გარსიას გათავისუფლებას მაინც აპირებს და ანტონიო კონტესთან მოლაპარაკებები გადამწყვეტ სტადიაზე შედის.
ცნობილი გახდა რომ იტალიელმა სპეციალისტმა წელიწადში ხელფასის სახით რვა მილიონი ევრო მოითხოვა, რაც გაცილებით მეტია, ვიდრე რუდი გარსია ამავე დროში გამოიმუშავებს. დე ლაურენტისი მზადაა კონტეს მოთხოვნებს დათანხმდეს.
ნეაპოლურ კლუბს სათადარიგო გეგმაც გააჩნია. კონტეს ვარიანტი საბოლოოდ თუ არ გამოვიდა, დე ლაურენტისს უკვე აქვს იგორ ტუდორისგან თანხმობა მიღებული, რომელიც მზადაა იტალიის მოქმედი ჩემპიონი ჩაიბაროს.
ყველაფერი უახლოეს დღეებში უნდა გადაწყდეს, მაგრამ როგორც ჩანს, ანტონიო კონტე „ნაპოლის“ ახალი მწვრთნელი იქნება.
გუშინ, ანტონიო კონტეს „ნაპოლის“ შესაძლო მწვრთნელობაზე ჰკითხეს. მას „Sky Sport“-ის ჟურნალისტი გაესაუბრა.
„ამჟამად ჩემი ოჯახით ვტკბები, საკმაოდ ზუსტი არჩევანი გავაკეთე, როდესაც „ტოტენჰემიდან“ წასვლა გადავწყვიტე. მომავალში შეიძლება ბევრი რამ მოხდეს, მაგრამ ახლა მხოლოდ ამ ატმოსფეროთი ტკბობაზე ვფიქრობ. „ნაპოლი“? საჭიროა პატივისცემა გამოვიჩინოთ“, – განაცხადა ანტონიო კონტემ.
გუშინ, გამოცდილი იტალიელი სპეციალისტის შესახებ მისმა მეგობარმა და ყოფილმა ფეხბურთელმა მასიმო ბრამბატიმ ისაუბრა და აღნიშნა, რომ ანტონიო “ნაპოლის” სიამოვნებით გაწვრთნიდა.
“მე და კონტე მეგობრები ვართ. რამდენიმე დღის წინ მესიჯები გავცვალეთ. მისთვის “ნაპოლის” შესახებ არაფერი მიკითხავს, თუმცა ერთს ვიტყვი, თუ დე ლაურენტისი არჩევანს მასზე გააკეთებს, ნეაპოლური გუნდი მეოთხე ჩემპიონის ტიტულს მოიპოვებს.
აურელიო დე ლაურენტისმა გარსიას არჩევით არასწორი გადაწყვეტილება მიიღო. ანტონიო ახალი გამოწვევებისთვის მზადაა, თუმცა ხელმძღვანელობისგან გარკვეულ საკითხებზე გარანტიები დასჭირდება. ვგულისხმობ, სატრანსფერო ფანჯარაზე კლუბის აქტიურობას. თუ კონტე “ნაპოლის” ჩაიბარებს, გუნდისთვის ყველაფერი უკეთესობისკენ შეიცვლება”, – განაცხადა მასიმო ბრამბატიმ.
ანტონიო კონტეს „ნაპოლიში“ შესაძლო დანიშვნას, გამოცემამ „Goal Italia“ წერილი მიუძღვნა.
„კონტეს მოსვლის შემთხვევაში ხვიჩა კვარაცხელიას პოზიცია მოედანზე უფრო შემტევი გახდება. აღარ ითამაშებს შემტევ სამეულში მარცხენა გარემარბად, არამედ ცენტრში ვიქტორ ოსიმენთან წყვილში თავდამსხმელის პოზიციაზე. კვარაცხელია კონტესთან თავდამსხმელის როლში ითამაშებს, პოზიციაზე, სადაც თამაშის თვისებები მან უკვე აჩვენა, მიუხედავად იმისა, რომ მისი მთავარი უნარი თანაგუნდელების პასებით მომარაგებაა“, – დაწერა გამოცემამ.
გარდა ამისა, არის 3-4-3 სქემის ვარიანტიც, რა შემთხვევაშიც კონტეს ერთ ცენტრალურ ნახევარმცველზე უარის თქმა მოუწევს (ლობოტკა, ჟიელინსკი ან ანგისა) – ერთ-ერთს მოუწევს თადარიგში გადანაცვლებად. ყველაზე რეალურ გზად ამ ეტაპზე მაინც 3-5-2 სქემა მოსჩანს „ნაპოლის“ ფეხბურთელების თვისებებიდან გამომდინარე.
საუდის არაბეთს კი უკვე მსოფლიოს ჩემპიონატიც სურს – მუნდიალის მასპინძლობაზე ფიფაში განაცხადი ოფიციალურად გაკეთებულია.
არაბებს 2034 წლის მუნდიალი უნდათ. მათი შანსი საკმაოდ მაღალია, რადგან ფიფას პრეზიდენტმა ჯანი ინფანტინომ რამდენიმე დღის წინ დააანონსა, რომ 2034 წელს მსოფლიოს ჩემპიონატი აზიის კონტინენტზე უნდა გაიმართოს. საუდის არაბეთის ფინანსურ შესაძლებლობებს თუ გავითვალისწინებთ, დიდია იმის შანსი, რომ მიიღონ კიდეც.
საუდის არაბეთში აქამდე მსგავსი საფეხბურთო ღონისძიება არ ჩატარებულა, ხოლო აზიის კონტინენტმა მუნდიალს ორჯერ უმასპინძლა – 2002 (სამხრეთ კორეა/იაპონია) და 2022 წლებში (კატარი).
ავტორი
