ვერძი
ბოლო დროს დაგროვილი სტრესი თქვენს ჯანმრთელობაზე უარყოფითად აისახება, ამიტომ ეცადეთ, ნებისმიერ წვრილმანზე ნერვიულობას გადაეჩვიოთ. ამ დღეს შეგიძლიათ ცოტა დაისვენოთ – მშვიდი და ხელსაყრელი დღეა, თუმცა თუ მცირე პრობლემები მაინც გაჩნდა, მათი მოგვარება სხვა დროისთვის უნდა გადადოთ. არსებობს შანსი, რომ დიდი ხნის ოცნება აისრულოთ.
კურო
ეცადეთ, დილიდან აქტიური მუშაობისთვის განეწყოთ. გარშემო მყოფებისგან დახმარებას ნუ ელით –
ამ დღეს მხოლოდ საკუთარ ძალებს უნდა დაეყრდნოთ და არსებული რესურსები სწორად გაანაწილოთ. ახლობელ ადამიანებს თქვენი ზრუნვა და მხარდაჭერა სჭირდებათ, ამიტომ ეცადეთ, მეტი ყურადღება მიაქციოთ.
ტყუპები
ეცადეთ, ეს დილა მშვიდად გაატაროთ და აუჩქარებლად იმუშაოთ, რადგან ისედაც ყველაფერს მოასწრებთ. თუმცა შეგიძლიათ ზოგი მოვალეობა ახლობელ და სანდო ადამიანებს გაუნაწილოთ – ისინი დავალებას შესანიშნავად გაუმკლავდებიან. პირად ურთიერთობებში მეტი ტაქტის და დიპლომატიის გამოვლენა გჭირდებათ.
კირჩხიბი
გირჩევთ, ნებისმიერ რთულ სიტუაციაში ინტუიციას ენდოთ – დღეს ის არ გიღალატებთ. გადაწყვეტილების მიღებისას ეცადეთ, პარტნიორის სურვილები და რჩევები გაითვალისწინოთ. თქვენი ეჭვიანობა უსაფუძვლოა, შეგიძლიათ საყვარელ ადამიანს ბოლომდე ენდოთ, ეს შენი შანსია.
ლომი
ამ დღეს საკუთარი მიღწევების ან საინტერესო შეთავაზებების შესახებ არავის უნდა უამბოთ. გამორიცხული არ არის, რომ თქვენს ნაცნობებს შორის არაკეთილსინდისიერი ადამიანიც არის, რომელმაც შეიძლება თქვენი გეგმების ჩაშლა სცადოს. დღის მეორე ნახევარში სიტუაცია მკვეთრად შეიცვლება – უსიამოვნებებისთვის უნდა მოემზადოთ.
ქალწული
თქვენი პოზიტიურობა და მეგობრული განწყობა ადამიანებს იზიდავს და შეიძლება თქვენ გვერდით უამრავი სხვადასხვა ინტერესის მქონე ადამიანი აღმოჩნდეს. უახლოეს მეგობრებთან შეხვედრამ შეიძლება იმედგაცრუება მოგიტანოთ და კონფლიქტით დასრულდეს. უმჯობესია ასეთი შეხვედრა სხვა დღისთვის დაგეგმოთ.
სასწორი
ხელსაყრელი და ნაყოფიერი დღეა, განსაკუთრებით მისი პირველი ნახევარი. შეგიძლიათ. რთული მოლაპარაკებები თამამად დანიშნოთ. ეცადეთ, საღამოსთვის ყველაზე სასიამოვნო აქტივობები შემოინახოთ. თუ არ იზარმაცებთ, კარიერული წინსვლის ან მოგებიანი შეთავაზების მიღების შესაძლებლობა გაქვთ.
მორიელი
ბიზნესმენებისთვის წარმატებული დღეა, რომელიც ხელსაყრელ შეთავაზებას, ძლიერ სპონსორებს ან გავლენიან პარტნიორებს გპირდებათ. ეცადეთ, შანსი ხელიდან არ გაუშვათ და მოვლენების ცენტრში იტრიალოთ. გარშემო მყოფებთან ურთიერთობისას უარი თქვით უხეშობასა და აგრესიაზე. გირჩევთ, უპირატესობა დიპლომატიურ და კომპრომისულ მოქმედებას მიანიჭოთ.
მშვილდოსანი
ეცადეთ, ახალი ამბების სწრაფ ნაკადში არ „დაიკარგოთ“. ამ დღეს ზღვა ინფორმაციიდან მხოლოდ ის უნდა აირჩიოთ, რომელიც თქვენ და თქვენს პასუხისმგებლობებს ეხება. პირად ურთიერთობებში მოსალოდნელია სასიამოვნო ცვლილებები.
თხის რქა
ვარსკვლავებს გირჩევენ, საქმიანი აქტივობა შეამციროთ და შესრულებული სამუშაო შეაფასოთ. ბოლო დროს ძალიან ბევრს და დაძაბულად მუშაობთ და დაგროვილმა სტრესმა შეიძლება თქვენს ჯანმრთელობაზე უარყოფითად იმოქმედოს. ეცადეთ, საღამო სახლის მშვიდ გარემოში გაატაროთ.
მერწყული
ამ დღეს ერთდროულად რამდენიმე საქმის გაკეთებას არ უნდა ეცადოთ. გირჩევთ, პრიორიტეტები განსაზღვროთ და მთელი ყურადღება ყველაზე მნიშვნელოვანი საქმისკენ მიმართოთ. ბევრ მერწყულს წარუმატებლობა და შესაძლებლობების არარსებობა იმედგაცრუებას მოუტანს. გამოიყენეთ ეს დღე დასვენებისა და ძალების აღდგენისთვის.
თევზები
ყველა თვალსაზრისით ხელსაყრელი დღეა. მთავარია, რომ მუდმივად ცვლად გარემოებებს თვალი ადევნოთ და შესაძლებლობა არ გამოგეპაროთ. თქვენი ხიბლი და ქარიზმა გარშემო მყოფებს იზიდავს. მოლაპარაკებები და შეხვედრები წარმატებული იქნება. გირჩევთ, საღამო ხალხმრავლობისგან მოშორებით, მშვიდ გარემოში გაატაროთ – ეს ძალების აღდგენაში დაგეხმარებათ.
