არავინ არავის ტოვებს. უბრალოდ, ვიღაც პირველი მიდის და ვინც რჩება – თვლის, რომ ის მიატოვეს.
დეპრესია ადამიანს იმისთვის ეძლევა, რომ საკუთარ თავზე დაფიქრდეს.
თუ ადამიანს საკუთარ თავზე კარგის თქმა არ შეუძლია, მაგრამ ამის გაკეთება უნდა – ის სხვებზე იწყებს ცუდის თქმას.
თუ კარგად ფიქრობ საკუთარ თავზე, რისთვის გჭირდებათ, რომ კიდევ ვინმემ კარგად იფიქროს თქვენზე?
რაც გინდა ის გააკეთე… და ნებართვა არასდროს იკითხოთ, რადგან შეიძლება, უარი მიიღოთ.
„ცარიელ“ ადამიანთან ურთიერთობას, კარგ წიგნთან ურთიერთობა ჯობია.
სიყვარულის და მარტოობის კარგად გადატანის უნარი – სულიერი სიმწიფის მაჩვენებელია. ყველაფერ საუკეთესოს მაშინ ვაკეთებთ, როდესაც მარტონი ვრჩებით.
მე არ ვიცი წარმატების გზა. მაგრამ ვიცი, წარუმატებლობის გზა – ეს ყველასთვის თავის მოწონების სურვილი არის.
არ არსებობს მამაკაცური და ქალური ლოგიკა, არსებობს კომპეტენტურად აზროვნების შესაძლებლობა და მისი არ ქონა.
გსურთ იცოდეთ თქვენი მთავარი მტერი ვინ არის? – სარკეში ჩაიხედეთ. ის დაამარცხეთ და დანარჩენი თავად გაიფანტებიან.
მეგობრებთან ურთიერთობა სასიამოვნოა, მტერთან კი – სასარგებლო.
ურთიერთობის გაწყვეტისა და სამსახურიდან წასვლის მხოლოდ ერთი საპატიო მიზეზი არსებობს – არსებულ პირობებში, პიროვნული ზრდის შეუძლებლობა.
გაუაზრებელმა პიროვნებამ ხშირად იცის, მაგრამ არ იცის როგორ. გააზრებულმა კი, არა მხოლოდ იცის, არამედ ისიც იცის, როგორ. ამიტომ, გაუაზრებელი მუდმივად აკრიტიკებს, გააზრებული კი მოქმედებს.
მტერს და მოყვარეს მხოლოდ სასიხარულო ამბები გაუზიარეთ. მეგობარი გაიხარებს, მტერს ეწყინება.
ნუ დაუწყებთ ბედნიერებას დევნას – ის ადგილი იპოვეთ, სადაც ის უკვე აღმოჩენილია… და ბედნიერება თავად გიპოვით.
თუ ვინმესთვის რამის დამტკიცება გინდათ – ე. ი. თქვენ მისთვის ცხოვრობთ. ხოლო, თუ საკუთარი თავისთვის ცხოვრობთ – მაშინ, იმის საჭიროება არ არის, რომ ვინმეს რამე დაუმტკიცოთ.
ოცნებები – ჩვენი შესაძლებლობების ხმებია. მე, მაგ., ოპერაში სიმღერაზე არ ვოცნებობ, რადგან არც ხმა მაქვს და არც სმენა. მაგრამ, რომ მეოცნება, ამისთვის მოვემზადებოდი და ოპერაში მოხვედრას შევეცდებოდი. უბრალოდ, საჭიროა იმაზე ფიქრი, თუ როგორ უნდა მოხდეს ამ ოცნების განხორციელება. აქ მთავარია – არ იჩქაროთ. მაშინ ჩანაფიქრი საკმაოდ სწრაფად აგიხდებათ.
მიაღწიეთ წარმატებას… და წყენა გაივლის.
