,,რავი, ხალხო, რა არ გამიშუქებია,მაგრამ ბოლო დროის ამ სიგიჟეებს მართლა ვეღარ ვუძლებ“ – ინგა გრიგოლია

ჟურნალისტი ინგა გრიგოლია ნიკა მელიას გატაცების საქმეზე ნიკა მელიას დაჯარიმებას ასე ეხმაურება:

,,რავი, ხალხო, რა არ გამიშუქებია,მაგრამ ბოლო დროის ამ სიგიჟეებს მართლა ვეღარ ვუძლებ
ჩვეულებრივი რომ გახდა ეს მარაზმი,ყოველდღიური
დასასჯელები ვართ,რომ დავიბადეთ-მალე ამასაც გამოგვიცხადებს ქართული სასამართლო და ჩვენც შევეგუებით…“

ინფორმაციისთვის, გატაცების საქმეზე კოალიცია “ცვლილებისთვის” ლიდერი, ნიკა მელია სასამართლომ იქეთ, 5000 ლარით დააჯარიმა – გადაწყვეტილება მოსამართლე თორნიკე ქოჩქიანმა გამოაცხადა.

ნიკა მელია პროცესზე მის დარღვეულ უფლებებზე დაობდა, სასამართლოს დეტალურად მოუყვა, თუ როგორ გაიტაცეს ლისის ტბის მიმდებარე ტერიტორიიდან 29 მაისს, დაახლოებით 21:00 საათზე, მაშინ, როცა ის ერთ-ერთი გადაცემის ჩაწერაზე მიდიოდა:

,,გადაცემაში მონაწილეობის მისაღებად მივდიოდი, მოხდა ჩემი გატაცება და არა დაკავება. პატრულმა გაგვაჩერა, რომელიც იყო ანერვიულებული, მართვის მოწმობა მოითხოვეს, ცხადი იყო ის, რომ ყველაფერი აინტერესებდა, მართვის მოწმობის ვარდა, ამ დროს რაციაში ხმა გაისმა, ობიექტი თუ იჯდა მანქანაში, გასაგები იყო რაც ხდებოდა. 11 ადამიანი იყო სამარშრუტო ფურგონში ვინც გამიტაცა, არანაირი ნიშანი, რომ ისინი იყვნენ პოლიციელები, არ ჰქონდათ.
აგრესიული ძალის გამოყენებით წამიყვანეს, ჩამტენეს მანქანაში, ძალის გამოყენებით მობილური წამართვეს, მერე კოდის გახსნას ცდილობდნენ რომ სახეზე მოედოთ, ბნელ ფურგონში ეს ვერ მოხერხდა. საგანგებოდ ფარდებით იყო ეს ფურგონი, არაფერი ჩანდა.

არავინ არ ვიცით, რატომ მოხდა ეს. ალბათ თქვენ იცით, ამას იმიტომ ვამბობ, რომ თავი მოიკალით და დღეს ჩანიშნეთ სასამართლო. გუშინ 12 საათზე მქონდა გირაოს გადახდის ვადა და 9 საათზე გამიტაცეს… ამას გიყვებით და კითხვა არ გიჩნდებათ, რატომ გამიტაცეს, მეკითხებით გადავიხდი თუ არა გირასოდ ა ის არ გაინტერესებთ როგორ გამიტაცეს.

ჩემს მანქანაზე და კიდევ ერთზე იყო ვიდეოჩამწერები, 4 ჯამში, რომელიც იღებდა ჩემი გატაცების მომენში და ოთხივე არის დაზიანებული და გატეხილი, იმიტომ რომ არ გენახათ თქვენ, მაინც არ იმოქმედებდა თქვენზე, მაგრამ მაინც. ეს არის რეალობა ის რა მოხდა და თქვენ ახლა უნდა დაადგინოთ ტყუილი და მართალი. კითხვები არ გაქვთ? ნუ გწყინთ, რომ ვერც მოსამართლეს გიწოდებთ და ვერც ბატონოს დაგიძახებთ. ასობით ადამიანი ნაწამები მოჰყავდათ თქვენთან და თვენს კოლეგებთან და იმათ არ ეკითხებოდით, ვინ აწამა, ისე უსჯიდით პატიმრობას.

მარშუტკაში ჩასმის მერე მობილური არ გამოურთიათ, ვიდეობს იღებდნენ და სიამაყით უგზავნიდნენ ხელმძღვანელობას.

გირაოს გადახადა არ გადახდას რომ მეკითხებით, მე რაც ახლა მოგიყევით, ეს არ არის თქვენთვის საინტერსო, თქვენმა ახლობლებმა სახლში იციან, რომ მოსამართლე ხარ და არ გაგიჩნდათ კითხვა ჩემი მონაყოლის მერე, რა მოხდა?”