ცვლილებებისა და მოულოდნელი გარდატეხების პლანეტა ურანი სვლას ანელებს. 10 სექტემბერს მან ტყუპების ნიშანში რეტროგრადული მოძრაობა დაიწყო და ამ მდგომარეობაში 2027 წლის 8 თებერვლამდე დარჩება.
თუ აღნიშნულ პერიოდში თქვენი გეგმები მოულოდნელად შეფერხდება ან ისეთი განცდა გაგიჩნდებათ, თითქოს, მყარ ნიადაგზე აღარ დგახართ, შესაძლოა, ეს ურანის რეტროგრადულ მოძრაობას უკავშირდებოდეს. მომდევნო ხუთი თვის განმავლობაში აჯანყების, ქაოსისა და მოულოდნელი გარდატეხების პლანეტა ტყუპების ნიშანში გადაადგილდება და ადამიანებს უბიძგებს, კიდევ ერთხელ დაფიქრდნენ იმაზე, რაც აქამდე იცოდნენ და სწამდათ.
ამ პერიოდში შესაძლოა, კვლავ გააქტიურდეს ძველი იდეები, საუბრები და გადაწყვეტილებები, რომლებმაც შეიძლება, წლის დარჩენილ პერიოდზეც კი მნიშვნელოვანი გავლენა მოახდინოს
რეტროგრადული მოძრაობა ერთგვარი პაუზაა და შინაგან სამყაროში ჩაღრმავების შესაძლებლობას იძლევა. ურანის შემთხვევაში, მისი მოულოდნელი და არაპროგნოზირებადი ენერგია გარეგანი მოვლენების ნაცვლად, უფრო შინაგან ცვლილებებში ვლინდება.
ურანი ტყუპების ნიშანში პირველად გადავიდა ბოლო 84 წლის განმავლობაში, რის გამოც ეს რეტროგრადული პერიოდი განსაკუთრებით იშვიათ მოვლენად მიიჩნევა.
ტყუპების ნიშანი ასტროლოგიაში გონებას, ენას, კომუნიკაციასა და ინფორმაციის ყოველდღიურ გაცვლას უკავშირდება – იმას, თუ როგორ ვფიქრობთ, რას ვამბობთ და რა შეხედულებები გვმართავს. ურანი კი მოულოდნელ გამოფხიზლებასა და დამკვიდრებული სტრუქტურების რღვევასთან ასოცირდება.
ამ ორი ენერგიის გაერთიანება ადამიანებს უბიძგებს, გადახედონ საკუთარ აზრებსა და შეხედულებებს და გაარკვიონ, რომელი მათგანია ნამდვილად მათი და რომელი მიიღეს ისე, რომ თავად არასოდეს გადაუმოწმებიათ.
ამ პერიოდში ცვლილებები შესაძლოა, მოუსვენრობით, აზროვნების შეცვლის სურვილით ან არსებული მდგომარეობისა და გარემოსგან გათავისუფლების მოულოდნელი მოთხოვნილებით გამოვლინდეს.
განსაკუთრებით მნიშვნელოვანი პერიოდი კი ზოდიაქოს ოთხი ნიშნისთვის შეიძლება, აღმოჩნდეს:
ტყუპები
ვინ იყავით ერთი წლის წინ და რამდენად შეგეფერებათ დღეს ის იდენტობა? რადგან რეტროგრადული ურანი სწორედ თქვენს ნიშანში მოძრაობს, ეს პერიოდი განსაკუთრებით მნიშვნელოვანი იქნება.
შესაძლოა, კვლავ გააქტიურდეს ძველი ჩვევა, საკუთარი თავის წარმოჩენის სტილი ან პირად იმიჯთან დაკავშირებული საკითხი, რომელსაც საბოლოოდ გაშვებამდე კიდევ ერთხელ გადახედავთ. ეს საკუთარი თავის ხელახალი აღმოჩენისა და ცვლილების პერიოდია.
ქალწული
გახსოვთ სამსახური, რომლის დაწყებაზეც ოდესღაც თითქმის დასთანხმდით, ან კარიერული მიმართულება, რომლისკენაც ისწრაფოდით? ახლა წარსულთან დაკავშირებული პროფესიული საკითხები შესაძლოა, კვლავ გააქტიურდეს.
ეს შეიძლება იყოს ყოფილი ხელმძღვანელისგან მიღებული შეტყობინება, გადადებული პროექტი ან კარიერის ის მიმართულება, რომელიც წლების წინ მიატოვეთ. სანამ ამ ეტაპს საბოლოოდ დახურავთ, შესაძლოა, მასზე კიდევ ერთხელ დაფიქრება ღირდეს.
მერწყული
გაქვთ შემოქმედებითი იდეა ან პროექტი, რომელიც ჯერ კიდევ ჩანაწერებშია შემორჩენილი და რომლის დასრულებაც ვერ მოახერხეთ? რადგან ურანი მერწყულის მმართველი პლანეტაა, ეს რეტროგრადული პერიოდი შესაძლოა, მნიშვნელოვანი აღმოჩნდეს პიროვნული ზრდისთვის.
