პირველი ღრმაწყლოვანი პორტი საქართველოში_ანაკლიის პორტის მშენებლობა 2017 წლის 24 დეკემბერს დაიწყო და 2021 წელს დასრულდება. პორტში ჩადებული ინვესტიციის ჯამი 2,5 მილიარდი დოლარია. მისი სიღრმე 16 მეტრი, ხოლო გამტარუნარიანობა წელიწადში 100 მლნ. ტონა იქნება.
რა მნიშვნელობა აქვს ანაკლიის პორტის მშენებლობას საქართველოსთვის?
ანალიტიკოსების თქმით, პორტის მშენებლობას საქართველოსთვის გეოპოლიტიკურად, გეოსტრატეგიულად და გეოეკონომიკურად უდიდესი მნიშვნელობა აქვს. პორტის ამუშავების შემდეგ, საერთაშორისო ასპარეზზე საქართველოს, როგორც სატრანზიტო ქვეყნის როლი ძლიერდება.
„ანაკლიის პორტს გეოპოლიტიკურად, გეოსტრატეგიულად და გეოეკონომიკურად უდიდესი მნიშვნელობა ენიჭება. ანაკლიის პორტს, ფოთისა და ბათუმის ნავსადგურებისგან განსხვავებით, 70%- მდე სამხედრო, სავაჭრო და სამგზავრო დანიშნულების გემის მიღება შეეძლება“.
„ანაკლიის პორტის ამუშავების შემთხვევაში, საერთაშორისო ასპარეზზე საქართველოს, როგორც სატრანზიტო ქვეყნის როლი გაძლიერდება და ქვეყანა ახალ გეოპოლიტიკური მნიშვნელობას შეიძენს“, _ აღნიშნავს ექსპერტი უსაფრთხოების საკითხებში ნიკა ჩიტაძე.
რატომ არ აწყობდეს რუსეთს ანაკლიის პორტის მშენებლობა?
ანაკლიის პორტი კონკურენციას გაუწევს რუსეთის ნოვოროსიისკის პორტს. პორტის ამუშავების შემთხვევაში, საქართველოში დასავლეთის ინტერესები იზრდება, რაც შავი ზღვის რეგიონში რუსეთის გავლენების შესუსტებას გამოიწვევს.
„იქიდან გამომდინარე, რომ ანაკლიის პორტის მშენებლობა საქართველოს სახელმწიფოებრიობის გაძლიერებას ნიშნავს, რუსეთს პორტის მშენებლობა არანაირად არ უნდა აწყობდეს. ეკონომიკური თვალსაზრისით, რუსეთის გაღიზიანებას იწვევს ის, რომ ანაკლიის პორტი კონკურენციას გაუწევს რუსეთის ნოვოროსიისკის პორტს, რომელსაც კომერციული დანიშნულება გააჩნია“.
„პორტის ამუშავების შემთხვევაში, საქართველოს მიმართ დასავლეთის ინტერესები გაიზრდება, რაც შავი ზღვის რეგიონში რუსეთის გავლენების შესუსტებას გამოიწვევს. რუსეთი გაღიზიანებულია, რადგან ევროკავშირი გამოხატავს მზადყოფნას იმისთვის, რომ ანაკლიის პორტის მშენებლობაში 300 მილიონ ევროზე მეტი მოცულობის თანხა დააბანდოს, რომელიც იგივე საავტომობილო გზების მშენებლობასა და ინფრასტრუქტურული სამუშაოების განხორციელებას მოხმარდება, რაც რუსეთის ინტერესებში ნამდვილად არ შედის“,_ დასძენს ექსპერტი.
გაირთულებს თუ არა ქვეყნის არაფორმალური მმართველი ბიძინა ივანიშვილი რუსეთთან ურთიერთობებს?
“ივანიშვილს გამოცდის ჩაბარება მოუწევს!”_მოექცევა რუსეთის ზეწოლის ქვეშ თუ წინ საქართველოს სტრატეგიულ ინტერესებს დააყენებს.
„ქვეყნის არაფორმალურ მმართველს გამოცდის ჩაბარება მოუწევს. იქედან გამომდინარე, რომ ანაკლიის პორტის მშენებლობა უშუალოდ რუსეთის ინტერესებს ეხება, ოკუპანტი ქვეყანა ყველანაირად შეეცდება, რომ ბიძინა ივანიშვილზე ზეწოლა განახორციელოს. კარასინი_აბაშიძის შეხვედრაზე, დიდი ალბათობით, ანაკლიის პორტის საკითხი განიხილებოდა“,_ დასძენს ჩიტაძე.
კულუარული მოლაპარაკებები ოკუპანტ ქვეყანასთან.
„კარასინი ზურა აბაშიძის მეშვეობით ანაკლიის პორტთან დაკავშირებით ბიძინა ივანიშვილზე ზეწოლის მოხდენას ცდილობდა“
„იქამდე, სანამ კარასინი-აბაშიძის ფორმატის შეხვედრა გაიმართებოდა, ზურაბ აბაშიძესა და ბიძინა ივანიშვილს შორის შეხვედრა საეჭვოდ გაიმართა. აბაშიძესთან შეხვედრამდე კი კარასინი გაღიზიანებას ვერ მალავდა და დიდი ალბათობით, კარასინი ზურა აბაშიძის მეშვეობით ანაკლიის პორტთან დაკავშირებით ბიძინა ივანიშვილზე ზეწოლის მოხდენას ცდილობდა“,_ განაცხადა ჩიტაძემ.
’’ცუდი და ცუდზე უარესი“ სცენარი, რომელიც, შესაძლოა, ანაკლიის პორტთან დაკავშირებით განვითარდეს:
- ივანიშვილი ანაკლიის პორტის წილებს ხელში ჩაიგდებს და პორტს ააშენებს.
- არაფორმალური მმართველი მამუკა ხაზარაძეზე შეტევას ახორციელებს იმ მიზნით, რომ ნავსადგური ვერ აშენდეს და რუსეთის გული მოიგოს.
რუსეთი ივანიშვილს ახსენებს, რომ 2012 წელს, წინასაარჩევნო კამპანიის დროს დაახლოებით, 2 მილიარდი დოლარი გამოირიცხა და რომ ქვეყნის არაფორმალური მმართველი რუსეთის წინაშეა დავალებული“,_ აღნიშნავს ექსპერტი.
რა ბედი ელის ანაკლიის პორტს?
ანაკლიის პორტის მშენებლობა საფრთხეშია. ინვესტორები აღნიშნულ პროექტში თანხის დაბანდებისგან ამ ეტაპზე თავს იკავებენ.
„პროექტის მშენებლობას უკვე მიადგა ზიანი. როდესაც პოტენციური ინვესტორი ხედვას, რომ მიმდინარეობს ზეწოლა მამუკა ხაზარაძეზე, რომელიც ანაკლიის პორტის კონსორციუმის ერთ-ერთი დამფუძნებელია, ის თავს შეიკავებს პორტის მშენებლობაში თანხების დაბანდებისგან, რადგან აღნიშნული თანხა შეიძლება დაიკარგოს“, _ აღნიშნა ჩიტაძემ.
