,,თამარ ჟვანიას გადაწყვეტილება არის სწორი. ისეთი არჩევნების შემდეგ, რაც ვნახეთ, ეს ნაბიჯი მას უფრო ადრეც უნდა გადაედგა“, _ ასე გამოეხმაურა ,,ლელოს“ ერთ-ერთი ლიდერი ბადრი ჯაფარიძე, ცესკო-ს თავმჯდომარის, თამარ ჟვანიას გადადგომას
მისი თქმით, ახალი კანდიდატი შერჩეული უნდა იყოს ფართო კონსენსუსის საფუძველზე, მათ შორის, სამოქალაქო სექტორის ჩართულობით და იყოს ისეთი პიროვნება წარმოდგენილი, რომელსაც ექნება სათადო რეპუტაცია.
„თამარ ჟვანიას გადაწყვეტილება არის სწორი. ისეთი არჩევნების შემდეგ, რაც ვნახეთ, ეს ნაბიჯი მას უფრო ადრეც უნდა გადაედგა.
ჩვენ ახლა უნდა ვიზრუნოთ იმაზე, რომ ისეთი თავმჯდომარე იყოს არჩეული, რომელიც შეძლებს, თვითმმართველობის არჩევნების ისე ჩატარებას, რომ წლევანდელმა არჩევნებმა რეალური შედეგი მოგვცეს და ადამიანების ხმის მიტაცება არ მოხდეს.
არსებობს შანსი, რომ ცესკო-ს თავმჯდომარე კონსენსუსით ავირჩიოთ, კანდიდატი შერჩეული უნდა იყოს ფართო კონსენსუსის საფუძველზე, მათ შორის, სამოქალაქო სექტორის ჩართულობით და იყოს ისეთი პიროვნება წარმოდგენილი, რომელსაც ექნება სათანადო რეპუტაციაც, იქნება დამოუკიდებელი, ექნება ყველა პროფესიული თვისება, რაც საჭიროა თავმჯდომარისთვის. ამ შემთხვევაში, დიდი შანსი იქნება, ასეთ კანდიდატს მხარი დავუჭიროთ“, _ განაცხადა ბადრი ჯაფარიძემ.
ცნობისთვის, ცესკოს-ს თავმჯდომარე თამარ ჟვანია დღეს თანამდებობიდან გადადგა, მან აღნიშნული გადაწვეტილების შესახებ სოციალურ ქსელში დაწერა.
ავტორი: მერაბ ცაავა
