ადგილობრივი თვითმმართველობის მეორე ტურის წინასწარი შედეგების გამოცხადების შემდეგ, რომლის თანახმადაც ოზურგეთის მერი დამოუკიდებელი კანდიდატი კონსტანტინე შარაშენიძე გახდა, “გურია ნიუსმა” “ქართული ოცნების” კანდიდატის ბეგლარ სიორიძის პირველი კომენტარის ჩაწერა შეძლო.
მმართველი გუნდის კანდიდატი საოლქო საარჩევნო კომისიის გადაწყვეტილების მოლოდინშია, სადაც ის საჩივარი უნდა განიხილონ, რომლის თანახმადაც ნასაკირალის #59 უბნის შედეგების გაუქმებას ითხოვენ:
“მადლობას ვუხდი თითოეულ ჩვენს მხარდამჭერს. ოლქის მასშტაბით ჩვენ გავიმარჯვეთ! მეორე ტურში 3000 ამომრჩევლით გაიზარდა ჩვენი მხარდაჭერა.
ამ მომენტისთვის სადავო რჩება ნასაკირალის #59 უბნის შედეგები, სადაც ხმების დათვლის დროს სერიოზული დარღვევები დაფიქსირდა. საჩივარი შეტანილია და ველოდებით საოლქო კომისიის გადაწყვეტილებას. ჩვენ დავიცავთ ჩვენს შედეგებს და გვჯერა, გავიმარჯვებთ,” _ გვითხრა სიორიძემ.
