ბილაინის აქტივობაში კორპორაციული სოციალური პასუხისმგებლობა დიდ ადგილს იკავებს. კომპანია მრავალი წელია მხარს უჭერს პროექტებს, რომლებიც საქართველოში ციფრული სფეროს მიმართულებით ცოდნის გაზრდას და ახალი შესაძლებლობების გაჩენას ემსახურება. 2022 წელს, კომპანიამ არაერთი მნიშვნელოვანი პროექტის ჩატარებას დაუჭირა მხარი.
2022 წლის, 28-30 იანვარს, თბილისში, Global Game Jam-ის 48-საათიანი ჰაკათონი გაიმართა. ასევე ღონისძიება, პარალელურ რეჟიმში, მსოფლიოს 600-ზე მეტ ლოკაციაზე ჩატარდა და ათასობით კონკურსანტი გააერთიანა. ჰაკათონის მიზანია, ხელი შეუწყოს ინოვაციური იდეების გენერირებას, დაეხმაროს მონაწილეებს ახალი შესაძლებელობების და საინტერესო კონტაქტების შეძენაში. მობილური თამაშების პლატფორმა, ბილაინის ციფრული ეკოსისტემის მნიშვნელოვანი ნაწილია. შესაბამისად, კომპანიას ადგილობრივ ჰაკათონებში გამარჯვებულ მონაწილეებთან, წარმატებული თანამშრომლობა აკავშირებს.
2022 წელს, საგანმანათლებლო ფონდ Educare Georgia-ს ინიციატივით და ბილაინის მხარდაჭერით, ქართულად ითარგმნა ხანის აკადემიის კიდევ ორი კურსი: კოსმოლოგია და ელექტრონული ინჟინერია. პროექტი მიზნად ისახავს, ინტერნეტისა და თანამედროვე ტექნოლოგიების გამოყენებით, საქართველოში, ყველასთვის ხელმისაწვდომი გახადოს მსოფლიო დონის განათლება და სასურველი მიმართულებით შეიძინოს ცოდნა. ბილაინი Educare Georgia-სთან აქტიურად თანამშრომლობს და სხვა საგნების ვიდეო გაკვეთილების ქართულად თარგმნას აგრძელებს.
გასული წლის 21 ივლისს, პირველად საქართველოში, სტრატ აპ ბიუროს ორგანიზებით, Arrival-თან პარტნიორობით და ბილაინის მხარდაჭერით, Fuckup Nights Tbilisi მეტავერსში გაიმართა. ღონისძიებაზე სტუმრებმა დამსწრე საზოგადოებას საკუთარი მარცხის ისტორიები გაუზიარეს და ორგანიზატორებთან ერთად პირველად შექმნეს ქართული მეტავერს ღონისძიების პრეცედენტი. Fuckup Nights გლობალური მოძრაობა და ღონისძიებათა სერიაა, რომელზეც სპიკერები დამსწრეებს საკუთარ ბიზნეს და პროფესიულ წარუმატებლობას უზიარებენ. მეტავერსი კი ის ვირტუალური სივრცეა, რომელიც მომხმარებლებს და შემქმნელებს კავშირის დამყარების შესაძლებლობას აძლევს.
2022 წლის ოქტომბერში, პლანეტის ყველაზე მასშტაბური ჰაკათონის NASA Space Apps Challenge 2022-ის ქართულ გამოშვების ღონისძიება გაიმართა, რომლის მხარდამჭერი ტრადიციულად ბილაინი გახლდათ. კონკურსის გამარჯვებული TON 618-მ გახდა, რომელმაც საჩუქრად მიიღო 5000 ლარი და შესაძლებლობა, რომ პროექტი NASA Space Apps Challenge-ის გლობალურ კონკურსზე წარადგინოს. NASA Space Apps ყოველწლიური ჰაკათონია, რომელიც ერთდროულად მსოფლიოს 300 ქალაქში იმართება და ათასობით მონაწილეს უყრის თავს.
22-23 ოქტომბერს, თბილისში, კომპანია DeGameFi-ს ორგანიზებით წლის ყველაზე მასშტაბური ვებ3 კონფერენცია გაიმართა. ღონისძიებაზე წარმოდგენილი იყო 5 სხვადასხვა შინაარსის სივრცე: ბიზნეს ექსპო, სტარტ-აპ კონკურსის ოთახი, ტექ ოთახი, ნფტ გალერეა და სპეციალური სტუმრების ზონა. ღონისძიებამ გააერთიანა 1000 მეტი ადამიანი, ექსპერტ სპიკერები, საერთაშორისო და ადგილობრივი საინვესტიციო ფონდები, საერთაშორისო ვებ3 პროექტები, სახელმწიფო ინსტიტუტები და სხვა. აღნიშნულ ღონისძიებას მნიშვნელოვანი წვლილი შეაქვს საქართველოში ციფრული სამყაროს შესახებ ცოდნის ამაღლებასა და ინტერესის გაღვივებაში.
17-19 ნოემბერს, ForSet-ის ორგანიზებით და ბილაინის მხარდაჭერით Datafest Tbilisi 2022 გაიმართა. DataFest Tbilisi გასულ წელს, უკვე მეექვსედ უმასპინძლა სტუმრებს. ფესტივალის ფარგლებში 5 თემის გარშემო ასობით სტუმარი და 40-ზე მეტი სპიკერი შეიკრიბა. მონაცემთა კონფერენციაზე ვორკშოპები და საერთაშორისო სპიკერების გამოსვლები, დისკუსიები და დატათონები რამდენიმე მიმართულებაზე იყო ფოკუსირებული: მონაცემთა ანალიტიკა, მონაცემთა ჟურნალისტიკა, მონაცემთა ვიზუალიზაცია, მონაცემთა ანალიზი და ღია მმართველობა, მონაცემთა მეცნიერება და ხელოვნური ინტელექტი.
2022 წლის მიწურულს, ბილაინთან პარტნიორობით კავკასიის რეგიონში კიდევ ერთი ყველაზე დიდი ტექ კონფერენცია – TOUCH გაიმართა. ღონისძიებამ სულ 1200-ზე მეტ დელეგატს, 55+ სპიკერსა და 35 მეტ პარტნიორს უმასპინძლა, ჩატარდა 5 ვორქშოფი, 46 ქინოუთ სესია და 6 პანელური დისკუსია. წელს TOUCH22-ს 4 მთავარი მიმართულება ჰქონდა არჩეული: ტექნოლოგიები, დიზაინი, ბიზნესი და მომავალი. სწორედ ამ თემების გარშემო გაერთიანდა სამიტის თითოეული აქტივობა.
ბილაინი 2023 წელსაც გეგმავს არაერთ პროექტს, რომლებიც ახალ თაობას ხელს შეუწყობს კარიერულ განვითარებაში და მეტ წვდომას მისცემს განათლებაზე, რათა საკუთარი შესაძლებლობის რეალიზება მაქსიმალურად მოახდინონ.
(R)
