“ჩვენ უკვე იზიუმში ვართ” – უკრაინელი სამხედროები ვიდეოს ავრცელებენ – რუსებმა ქალაქი დატოვა

უკრაინელი სამხედროები ქალაქ იზიუმში შევიდნენ. ინფორმაცია  უკრაინული მედიის, UNIAN–ის ტელეგრამ არხზე ვრცელდება.

ვიდეოში  უკრაინელი სამხედროები ამბობენ: “ჩვენ უკვე იზიუმში ვართ” , როგორც ვიდეოში ჩანს უკრაინელმა სამხედროებმა ქალაქის შესასვლელთან სახელმწიფო დროშა უკვე ჩამოკიდეს.

ე.წ. დონესცის თვით გამოცხადებული რესპუბლიკის  ინფორმაციის მინისტრის პირველი მოადგილე,  დანილო ბესონოვი Telegram-ში  გამოქვეყნებულ ვიდეოში ადასტურებს, რომ ოკუპანტებმა იზიუმი დატოვეს

“დიახ, მათ დატოვეს იზიუმი, ისევე როგორც ხარკოვის რეგიონის სხვა დასახლებები. რა თქმა უნდა, ეს ცუდია. რა თქმა უნდა, ეს არის უმაღლესი სარდლობის შეცდომების შედეგი. მაგრამ არ არის საჭირო ამის ყურება. ამაში ფარული მნიშვნელობები  მოლაპარაკებები არ არის და არც ღალატი, უბრალოდ, ვიბრძვით როგორც ვიცით, ყველა დონეზე, სადღაც უკეთესია, სადღაც უარესი.

მთავარია შეცდომების აღიარება და სწორი დასკვნების გამოტანა“. – ამბობს ბესონოვი.

იზიუმიდან გამგზავრებას,  ასევე დაადასტურეს სამხედრო კორესპონდენტები ალექსანდრე კოტსმა და ევჰენ პიდუბნიმ. ამ უკანასკნელმა სარდლობის ასეთ გადაწყვეტილებას სწორი უწოდა „შექმნილ ვითარებაში“, მისი თქმით, „რუსული დაჯგუფების ალყაში მოქცევა იზიუმში კატასტროფა იქნებოდა“.

კოტსმა დასძინა, რომ ოკუპანტებმა ბალაქლია და კუპიანსკიც დატოვეს.

უკრაინის შეიარაღებული ძალების გენერალურ შტაბსა და არც სხვა უწყებებს ლიმანისა და იზიუმის გათავისუფლების შესახებ, ინფორმაცია ჯერჯერობით არ დაუდასტურებიათ.