ჩოხატაურის ცენტრში დაგეგმილი ცვლილებების ირგვლივ პოლემიკა მატულობს. ცოტა ხნის წინ, სოციალური ქსელში პოზიცია დააფიქსირა ფრაქცია “ჩოხატაური საქართველოსთვის” თავმჯდომარემ ადგილობრივ საკრებულოში გოგი ბოლქვაძემ. მუნიციპალიტეტის მერს ფეისბუქის საშუალებით მიმართა ასევე პარტია საქართველოსთვის 2021 წლის არჩევნებში მერობის კანდიდატმა, პაატა ბერიშვილმა, რომელსაც ჩოხატაურის პირველმა პირმა იქვე გასცა პასუხი.
დავით შარაშიძე ამჯერად გოგი ბოლქვაძეს პასუხობს:
“გოგი ბოლქვაძეს ვეტყოდი, რომ გადახედოს მისი ,,მოღვაწეობის’’ დროს გაცემულ მშენებლობის ნებართვებს, მდინარის სანაპიროებს, პარკებს, სკვერებს და ოთხკუთხედ შენობებს, რომელმაც დაამახინჯა ჩოხატაური, ვერცერთ კრიტიკას ვერ უძლებს ვერცერთი შენობა.
ჩვენ ვმუშაობთ უკეთესი ცენტრისთვის, უკეთესი სოფლებისთვის და უკეთესი ჩოხატაურის ხვალინდელი დღისთვის. ჩვენი პრიორიტეტია მუნიციპალიტეტის ცენტრი იყოს ყველასთვის ადაპტირებული, ახალგაზრდებისთვის საინტერესო და მორგებული ჩვენი ჩოხატაურელების ინტერესებზე, ამიტომ ჩვენ ვერ ვივლით ვაი პოლიტიკოსების უაზრო გამოხტომებზე, ჩვენ გავაგრძელებთ ჩვენი ჩოხატაურის წინსვლას და განვითარებას”, _ ამბობს დავით შარაშიძე.
