CNN წერს, რომ დენისმა, ერთი ჩანთით ხელში და ზურგ ჩანთით, ფეხით ახლახანს გადმოკვეთა საზღვარი რუსეთიდან საქართველოში.
“მე უბრალოდ დავიღალე. მხოლოდ ამას ვგრძნობ“, – ამბობს 27 წლის ახალგაზრდა CNN-თან.
დენისმა სულ რაღაც ექვსი დღე გაატარა გზაზე, მათი(რუსების) უმეტესობა საზღვრის გადაკვეთის რიგს ელოდება. ის ერთ–ერთია იმ ასი ათას რუსთაგან, რომელიც უძლებს დამღლელ მოგზაურობას თავიანთი ქვეყნის დასატოვებლად.
მიუხედავად იმისა, რომ ქალები და ბავშვები არიან მათ შორის, ვინც გადაკვეთეს საზღვარი, უმეტესობა საბრძოლო ასაკის მამაკაცები არიან, რომლებსაც ეშინიათ, რომ შეილება კრემლმა გაიწვიოს უკრაინაში საომრად.
დენისმა, რომელსაც არ სურს თავისი გვარის გამხელა, თქვა, რომ წასვლა არჩია, რუსეთის პრეზიდენტის ვლადიმერ პუტინის მიერ მოქალაქეთა „ნაწილობრივი მობილიზაციის“ გამოცხადების შემდეგ.
რუსეთის თავდაცვის მინისტრმა სერგეი შოიგუმ განაცხადა, რომ გაიწვევენ 300 000 კაცს, რომლებსაც აქვთ სამხედრო გამოცდილება, რათა წავიდნენ და იბრძოლონ უკრაინაშ
დენის კი შიშობს, რომ ეს შეიძლება შეიცვალოს.
„არ ვიცი, რა მოხდება სამ წელიწადში, როგორი გავიგო, რამდენ ხანი გაგრძელდება, ეს გაურკვეველია და არავინ იცის, რა იქნება შემდეგ,” – თქვა მან.
მის განცდას იზიარებს ბევრი, ვინც კვეთს საქართველოს საზღვარს. ესენი არიან მასწავლებლები, ექიმები, ტაქსის მძღოლები, იურისტები და მშენებლები – ჩვეულებრივი რუსები, რომლებსაც ომის მიმართ მადა არ აქვთ. მიუხედავად იმისა, რომ ისინი არ ეთანხმებიან მთავრობის გადაწყვეტილებას, თვლიან, რომ ვერაფერს გააკეთებენ, აიძულონ პუტინი შეცვალოს კურსი. ამიტომ არჩიეს სამშობლოს დატოვება და რთულ გზაზე სიარული.
დენისმა თქვა, რომ ის დღეებს ატარებდა თავის მანქანაში საკვების საკმარისი რაოდენობის გარეშე.
„როცა საზღვარზე ელოდებოდი ჩემს რიგს, არ იყო საპირფარეშო, არ იყო საკვები, რადგან ყველაფერი მყისიერად გაიყიდა და არც არავის წამოუღია საკმარისი საკვები, რადგან არავინ ელოდა, რომ ამას ამდენი დრო დასჭირდებოდა, ”- თქვა მან.
კიდევ ერთი ადამიანი, რომელთანაც CNN-მა ისაუბრა, ანონიმურად ყოფნა არჩია, მისი თქმით, მან ფეხით 20 კილომეტრი გაიარა, რათა საქართველოში ჩამოსულიყო.
„ეს არ მეხება დღეს, მაგრამ შეიძლება ხვალაც გავრცელდეს“, – თქვა მან CNN-თან საუბრისას.
ხოლო კიდევ ერთი რუსეთის მოქალაქე, 28 წლის მარკეტინგის პროფესიონალი გიორგი ვაწაძე, ამბობს, რომ რუსეთს იმიტომ ტოვებს, რომ არ სურს საყვარელი ადამიანების ტკივილი, რადგან ჰყავს უკრაინელი ბებია და ბიძაშვილები, რომლებიც უკრაინაში ცხოვრობენ.
”მე არ შემიძლია იქ საბრძოლველად წასვლა,” – თქვა მან.
ვაწაძემ საზღვარი ძმასთან ერთად გადაკვეთა. ის მხოლოდ ერთი ჩანთით ჩამოვიდა, სადაც რამდენიმე ტანსაცმლია, ასევე თან თავისი ძაღლი წამოიყვანა.
ის დაღლილი, ემოციური და ბედნიერია, რომ საქართველოში მოხვდა, მაგრამ იმედგაცრუებულია, რომ რუსეთის შეჭრამ უკრაინაში აიძულა დაეტოვებინა სახლი.
”ვფიქრობ, ჩვენი მოსახლეობის დაახლოებით ნახევარი ფიქრობს, რომ ომი არასწორია, მაგრამ მათ არ შეუძლიათ წინააღმდეგობა გაუწიონ მას, რადგან ეს საშიშია. ახლა, ამის თქმით, საკუთარ თავს საფრთხეში ვაყენებ.” – ამბობს ვაწაძე
ის ფიქრობს, რომ შეიძლება ვეღარასოდეს დაბრუნდეს.
„ეს ყველაფერი იმიტომ ხდება, რომ ჩვენ ვეღარ ვენდობით ჩვენს მთავრობას, რადგან მათ ბევრი ტყუილი გვითხრეს. ჩვენ გავიგეთ, რომ მობილიზაცია საერთოდ არ იქნებოდა, მაგრამ ექვსი თვის შემდეგ გამოაცხადეს და ჩვენ აქ ვართ“. – თქვა მან.
ავტორი
