“საქართველოს მმართველი პარტია მოსკოვისკენ იხრება, მისი ხალხი არა” – ამ სათაურით CNN ანალიტიკურ სტატიას აქვეყნებს.
ავტორი სტატიაში 7-9 მარტს განვითარებულ მოვლენებზე საუბრობს, როდესაც ქართველმა დეპუტატებმა ,,რუსულ კანონს“ მხარი დაუჭირეს პირველი მოსმენით, საპროტესტო აქციები და არეულობა მოყვა, ავტორის თქმით, პროტესტის მონაწილეები უფრო და უფრო იზრდებოდა, მათ გარშემო კი სპრეცრაზმი განლაგდა და სასტიკად დაშალა.
,,სპეცრაზმმა ხალხის წინააღმდეგ ცრემლსადენი გაზი გამოიყენა . იყენებდნენ ხელკეტებს და წყლის ჭავლს. სურათები იყო გასაოცარი. ერთ ფოტოში ქალი, რომელიც ევროკავშირის დროშას აფრიალებს, წყლის ჭავლის ქვეშ მყვა, რომელიც ქართული დემოკრატიის მართებული მეტაფორა.“ – წერს ავტორი.
სტატიის ავტორი წერს, რომ მოქალაქეების პროტესტი წარმატებული იყო, რადგან მმართველმა პარტიამ “აგენტების შესახებ” კანონი უკან გაიწვია. რომელიც ავალდებულებდა ორგანიზაციებს, რომლებიც იღებენ თავიანთი წლიური შემოსავლის 20%-ს ან მეტს საზღვარგარეთიდან, დარეგისტრირდნენ როგორც „უცხოური აგენტები“, წინააღმდეგ შემთხვევაში მძიმე ჯარიმები დაეკისრებათ.
ავტორის აზრით, ეს ნაბიჯი საუკეთესო შემთხვევაში ცინიკურად გამოიყურება. მსგავსი კანონი რუსეთში 2012 წლიდან გამოიყენება დამოუკიდებელი მედიისა და არასამთავრობო ორგანიზაციების დემონტაჟისთვის.
სტატიის ავტორი ფიქრობს, რომ ბოლო რამდენიმე წელია საქართველოს მთავრობა განზრახ დგამს ანტიდასავლურ ნაბიჯებს, რაც მოსკოვის ინტერესებშია.
“ბოლო რამდენიმე წლის განმავლობაში, როგორც ჩანს, საქართველოს მთავრობა განზრახ ძირს უთხრის მის დემოკრატიას, რათა EU-სა და NATO-ს უარის თქმის გარდა, სხვა გზა არ დაუტოვოს. ეს სწორედ ისაა, რაც მოსკოვს მოსწონს”, – ვკითხულობთ სტატიაში.
სტატიის ავტორი წერს, რომ საქართველოში მოქალაქეებისა და ხელისუფლების მისწრაფებები განსხვავდება – საქართველოს მმართველი პარტია მოსკოვისკენ იხრება, მისი ხალხი არა.
“ქართველი ხალხი ყოველ ჯერზე იბრძვის – იქნება ეს უკრაინის მხარდაჭერაზე მათი მთავრობის უარი, ღამის კლუბებში დარბევა ან ჟურნალისტებზე თავდასხმა LGBTQ დემონსტრაციების გაშუქებისას, ათასობით ქართველი გამოდის ქუჩაში.
პროტესტის გარემოებები ყოველთვის სხვადასხვაა, თუმცა მიზეზი ყოველთვის ერთია – საქართველოს მმართველი პარტია მოსკოვისკენ იხრება, მისი ხალხი არა. კაცები, ქალები და ბავშვები, რომლებიც პარლამენტის წინ იკრიბებიან არსებითად აგზავნიან მესიჯს: “ჩვენ ვართ ევროპა, თუ ჩვენი დემოკრატიის წართმევას აპირებ, ეს ჯერ ჩვენი გავლით უნდა გააკეთო”, – წერს სტატიის ავტორი.
ავტორი, ასევე აღნინავს იმასაც, რომ სტატიის ავტორი ივანიშვილს არაფორმალურ ოლიგარქ მმართველად იხსენიებს
“ქართველებს არ უნდა სცემდნენ ქუჩაში იმისთვის, რომ იცავენ დემოკრატიას, თუმცა ისინი ამისთვის მზად არიან. საქართველოს არაფორმალურმა მმართველმა, ოლიგარქმა ბიძინა ივანიშვილმა, არასწორად იფიქრა თავის ხალხზე, ისევე როგორც რუსეთის პრეზიდენტმა ვლადიმერ პუტინმა უკრაინელი ხალხი შესაბამისად ვერ შეაფასა”, – ნათქვამია სტატიაში.
შეიძლება უცნაურად ჟღერდეს საქართველოს პარლამენტის წინ კანონპროექტის პროტესტს უკრაინელ ჯარისკაცებთან შედარება, რომლებიც ოდესღაც ქალაქ ბახმუტში იბრძოდნენ. მაგრამ ეს მებრძოლები იზიარებენ იმას, რასაც ხედავენ, როგორც საერთო მტერს და ორივემ იცის, რა არის სასწორზე.
გარდა ამისა, სტატიის ავტორი წერს, რომ ივანიშვილმა ამერიკასა და რუსეთს შორის რუსეთის მხარე აირჩია.
“ივანიშვილი სტაბილურ პოზიციას კარგავს. ის სულ უფრო სასოწარკვეთილ გადაწყვეტილებებს იღებს, რაც მიუთითებს მზარდ მტრობაზე შეერთებული შტატების მიმართ. რაღაც აბსურდული გათვლებით, როგორც ჩანს, ივანიშვილს სჯერა, რომ პუტინი ერთადერთი ადამიანია, რომელსაც შეუძლია მმართველ პარტიას მომავალი წლის არჩევნებში ხელისუფლებაში დარჩენაში დაეხმაროს. მან მხარეები აირჩია”, – წერს ავტორი.
სტატიის ავტორმა ასევე ისაუბრა მიხეილ სააკაშვილის პატიმრობაზეც. მისი აზრით, მართალია, საქართველოს დემოკრატიისთვის სააკაშვილი თანდაყოლილი და არსებითი არაა, თუმცა ქართულ ციხეში მისი სიკვდილი იქნება დარტყმა, რომელსაც შეუძლია ხელი შეუშალოს დემოკრატიულ მისწრაფებებს და მის ურთიერთობებს, განსაკუთრებით აშშ-თან,
“ეს იქნება ასევე საჩუქარი პუტინისთვის”, – წერია სტატიაში.
სტატიის ავტორი ფიქრობს, რომ კანონპროექტის უკან წაღებით ივანიშვილი დასუსტებულია სამოქალაქო საზოგადოებამ კი მისთვის საჭირო გამარჯვება მოიპოვა. ავტორის აზრით, ქართველმა ხალხმა უნდა გამოიყენოს ეს შესაძლებლობა და მოითხოვოს მიხეილ სააკაშვილის შეწყალება, სანამ გვიანი არ არის.
ავტორი
