სახალხო დამცველი პენიტენციურ დაწესებულებებში პატიმრებზე ძალადობის ფაქტებს ასაჯაროებს.
2020 წელს პენიტენციურ დაწესებულებებში განხორციელებული მონიტორინგის ვიზიტების დროს სპეციალურმა პრევენციულმა ჯგუფმა მხოლოდ ორ შემთხვევაში მიიღო ინფორმაცია დაწესებულების თანამშრომლების მხრიდან პატიმრებზე ფიზიკური ძალადობის სავარაუდო შემთხვევების შესახებ.
ერთ შემთხვევაში, პატიმარმა განმარტა, რომ N8 დაწესებულების თანამშრომლებმა მას გადაუგრიხეს ხელები და ცემეს ხელებით და ფეხებით. მეორე შემთხვევაში პატიმარმა განაცხადა, რომ N6 დაწესებულების თანამშრომლებმა ის ძალის გამოყენებით შეიყვანეს დეესკალაციის ოთახში, დააწვინეს იატაკზე და იმის გამო, რომ პატიმარი ყვიროდა, მისივე სვიტრი დააფარეს სახეზე. პატიმრის განმარტებით, სვიტრის დაფარების შედეგად ის ვეღარ სუნთქავდა, ჰქონდა გაგუდვის პანიკური შეგრძნება და განიცდიდა ძლიერ ფსიქოლოგიურ ტანჯვას. დახურული ტიპის და განსაკუთრებული რისკის პენიტენციურ დაწესებულებებში ვიზიტების დროს სპეციალურმა პრევენციულმა ჯგუფმა მიიღო 4 შეტყობინება დაწესებულების თანამშრომლების მხრიდან პატიმრების მიმართ აგრესიული მიმართვის და სიტყვიერი შეურაცხყოფის შესახებ. მიღებული ინფორმაციის თანახმად, ზემოთ მითითებულ შემთხვევებში დაწესებულების თანამშრომლები პატიმრებს სიტყვიერ შეურაცხყოფას აყენებდნენ იმის გამო, რომ ისინი პროტესტის ნიშნად აცხადებდნენ შიმშილობას, აგზავნიდნენ საჩივრებს და რეკავდნენ სახალხო დამცველის აპარატში. ზოგ შემთხვევაში პატიმარები აცხადებდნენ, რომ დაწესებულების თანამშრომლები მათ არ აძლევდნენ კალამს და ფურცელს, რათა საჩივარი არ დაეწერათ და ემუქრებოდნენ, რომ სახალხო დამცველთან დარეკვის შემთხვევაში, დისციპლინური სახდელის სახით, შეუზღუდავდნენ სატელეფონო საუბრის უფლებას.
გარდა ამისა, ანგარიშში ნათქვამია, რომ დახურული ტიპის და განსაკუთრებული რისკის პენიტენციურ დაწესებულებებში ვიზიტების დროს სპეციალურმა პრევენციულმა ჯგუფმა მიიღო 4 შეტყობინება დაწესებულების თანამშრომლების მხრიდან პატიმრების მიმართ აგრესიული მიმართვის და სიტყვიერი შეურაცხყოფის შესახებ. მიღებული ინფორმაციის თანახმად, ზემოთ მითითებულ შემთხვევებში დაწესებულების თანამშრომლები პატიმრებს სიტყვიერ შეურაცხყოფას აყენებდნენ იმის გამო, რომ ისინი პროტესტის ნიშნად აცხადებდნენ შიმშილობას, აგზავნიდნენ საჩივრებს და რეკავდნენ სახალხო დამცველის აპარატში. ზოგ შემთხვევაში პატიმარები აცხადებდნენ, რომ დაწესებულების თანამშრომლები მათ არ აძლევდნენ კალამს და ფურცელს, რათა საჩივარი არ დაეწერათ და ემუქრებოდნენ, რომ სახალხო დამცველთან დარეკვის შემთხვევაში, დისციპლინური სახდელის სახით, შეუზღუდავდნენ სატელეფონო საუბრის უფლებას.
N3 პენიტენციური დაწესებულებიდან მიღებულ სამივე განცხადება/საჩივარში პატიმრები მიუთითებდნენ დეესკალაციის ოთახებში ყოფნის დროს დაწესებულების თანამშრომლების, მათ შორის ხელმძღვანელი პირების მხრიდან განხორციელებული ფიზიკური ძალადობის ფაქტებზე. პატიმრების განმარტებით, ძალადობა გამოიხატებოდა ცემაში, ხელების ამოტრიალებაში და ხელბორკილების ხანგრძლივი დროით მჭიდროდ დადებაში, რის შედეგადაც პატიმრებმა სხეულის დაზიანებები მიიღეს. 1 შემთხვევაში პატიმარი აცხადებდა, რომ მას სცემეს წყლით სავსე ბოთლით, რათა ძალადობის კვალი სხეულზე არ დარჩენოდა. N6 დაწესებულებიდან მიღებული შეტყობინებებიდან 4 შემთხვევაში პატიმრები მიუთითებდნენ, რომ დაწესებულების თანამშრომლების, მათ შორის ხელმძღვანელი პირების მხრიდან მათ მიმართ ძალადობა ასევე, დეესკალაციის ოთახებში ყოფნის ან ამ ოთახებში გადაყვანის დროს მოხდა. გარდა ფიზიკური ძალადობისა, N6 დაწესებულებაში მყოფმა ერთმა პატიმარმა აღნიშნა, რომ ადგილი ჰქონდა გაუპატიურების მუქარას, ხოლო მეორემ აღნიშნა, რომ, დეესკალაციის ოთახში სასმელი წყალი ხანგრძლივი დროით არ მიაწოდეს. რაც შეეხება N8 პენიტენციურ დაწესებულებას, მიღებული სამი განცხადება/საჩივრიდან ერთ-ერთი განცხადება/საჩივარი შეეხებოდა დაწესებულებაში მყოფი 3 პატიმრის მიმართ განხორციელებულ სავარაუდო ძალადობის ფაქტებს. N8 დაწესებულებაში მყოფი პატიმრები აცხადებდნენ, რომ დაწესებულების თანამშრომლების, მათ შორის ხელმძღვანელი პირების მხრიდან, ფიზიკურ ძალადობასთან ერთად, ერთ შემთხვევაში ადგილი ჰქონდა გაუპატიურების მუქარას, ხელბორკილების გამოყენებით მილზე ჩამოკიდებას 10-15 წუთის განმავლობაში, ასევე, დეესკალაციის ოთახში სამედიცინო დახმარების, საკვების და სასმელი წყლის მიუწოდებლობას.
