წნორის “ცოდნის კაფეს” წარმომადგენელი, სამოქალაქო აქტივისტი ქეთი მოლაშვილი სოციალურ ქსელში პოსტს აქვეყნებს და მოქალაქეებს, რომლებიც 5000 ლარით დაჯარიმდნენ ან დაჯარიმდებიან, მოუწოდებს, რომ ჯარიმა არ გადაიხადონ.
“რეჟიმს ეტყობა პირველი მძიმე დარტყმების კვალი,
ეჭვი მაქვს, 5000 ლარიან ჯარიმები მოგივათ ბევრს, ძალიან ბევრს,
ამიტომ გახსოვდეთ, რომ ვინც აპირებთ გადახდას, ისინიც არ იხდით,
ჯერ ასაჩივრებთ პოლიციაში 10 დღის ვადაში და როგორ,
ძალიან მარტივად (დამატებითი განმარტება: პოლიციაში ასაჩივრებთ მხოლოდ ისინი, ვისაც პოლიცია დაგაჯარიმებთ 5000 ლარით, ვინც პირდაპირ სასამართლოში დაგიბარეს, ისინი ვერ ასაჩივრებთ პოლიციაში):
შინაგან საქმეთა სამინისტროს საპატრულო პოლიციის დეპარტამენტის სახელზე წერთ წერილს, რომ არ ეთანხმებით ჯარიმას, გთხოვთ განიხილოთ და მომიხსნათ ჯარიმაო და აგზავნით ამ მეილზე: patrolinfo@mia.gov.ge
მერე გიკავშირდებიან ვათსაფზე და გისვამენ კითხვებს, უარი რომ მოგივათ,
ეს მიგაქვთ სასამართლოში და სასამართლოში ასაჩივრებთ,
სასამართლო ისე იჭედება,
რომ რამდენიმე თვის შემდეგ ჩაგენიშნებათ პროცესები და სრულად გადაფსიხდებიან
და ამასობაში იჭედება შსს-ც და მინიმუმ ეს ვოთსაფში დარეკვები, იწელება უგზო-უკვლოდ
ამიტომ აუცილებლად ყველამ, ყველამ უნდა გავიაზროთ, რომ აღარავინ არ ვიხდით ჯარიმას, სანამ არ ვასაჩივრებთ ჯერ პოლიციაში,
შემდეგ სასამართლოში!
ამისთვის პარტიებსაც ჰყავთ იურისტები და სამოქალაქო ორგანიზაციებსაც.
შაბლონს დავდებ კომენტარშიც, როგორი სტილის წერილი იწერება და საერთოდაც, დრაივზე ავტვირთავ და შაბლონის ჩამოტვირთვა ყველას შეგეძლებათ ♡
ჩვენკენ რომ ცოდნაა ეს სულ გვახსოვდეს
და ამ ცოდნით რომ მოვერევით,
ეგეც გვახსოვდეს,
გთხოვთ ყველას, ყველას ვუთხრათ და გავაგებინოთ,
რომ ჯერ ფონდებს აღარ მივმართავთ,
ჯერ ვასაჩივრებთ ყველგან!
სისტემას კრიზისი დაეწყო,
უპს
არა, არ მომსვლია ჯარიმის ქვითარი, ჯერ
თუმცა 10 წუთის წინ დავრეკე საპატრულო დეპარტამენტში, გადავამოწმე ყველაფერი და დაზუსტებულ ინფორმაციას ვწერ ♡
ეს შარშანდელი საჩივრის ფორმაა,
გამომადგა, რადგან ვიცი, რომ ძააალიან მარტივია გასაჩივრება
და ყვეეელა ვასაჩივრებთ , წერს ქეთი მოლაშვილი.