გამოკითხვა _ თქვენი აზრით, პრეზიდენტი ხალხმა უნდა აირჩიოს თუ პარლამენტმა?

ნანა ჩხეიძე, ოზურგეთი:

_ ხალხმა. პარლამენტი თავისთავად იმას აირჩევს, ვინც მაგათ “აწყობთ”.

ქეთევან ქადეიშვილი, ოზურგეთი:

_  ხალხმა, რადგან პრეზიდენტი უნდა იყოს თითოეული ჩვენგანის უფლებების დამცველი და არა სხვისი საკონტროლებელი.

ბიჭიკო სიხარულიძე, ოზურგეთი:

_ რა თქმა უნდა, ხალხმა. პრეზიდენტი ხალხის ინტერესების დამცველი უნდა იყოს.

გია ორაგველიძე, ლანჩხუთი:

_  პრეზიდენტი ხალხის რჩეული უნდა იყოს.

ლამარა ფირცხალაიშვილი, ლანჩხუთი:

_ სულ ხალხი ირჩევდა და ახლაც ასე უნდა იყოს.

გელა რიონიძე, ლანჩხუთი:

_ პრეზიდენტის პოსტი არჩევითი უნდა იყოს და ის აუცილებლად მოსახლეობამ უნდა აირჩიოს.

ირაკლი მამალაძე, ჩოხატაური:

_  ხალხმა უნდა აირჩიოს, რა თქმა უნდა.

დავით ჟღენტი, ჩოხატაური:  

_ ხალხმა.

სოსო თოხაძე, ჩოხატაური:

_ პრეზიდენტი უნდა აირჩიოს პარლამენტმა, რადგან არჩევნები დიდ ხარჯებთანაა დაკავშირებული. რა აზრი აქვს ხალხი აირჩევს თუ პარლამენტი _ პარლამენტიც ხომ ხალხის რჩეულებითაა დაკომპლექტებული.

ეკატერინე მიმინოშვილი, ოზურგეთი:

_ რა თქმა უნდა, მოსახლეობა უნდა ირჩევდეს.  პრეზიდენტი უნდა იყოს მოსახლეობის უფლებების დამცველი.

დიტო ვადაჭკორია, ლანჩხუთი:

_  ჩემთვის მისაღები გერმანული მოდელია, სადაც პრეზიდენტს წარმომადგენლობითი ორგანო ირჩევს.