გერმანიამ გაზსადენი Nord Stream 2-ის სერტიფიცირება შეაჩერა. ამის შესახებ გერმანიის კანცლერმა, ოლაფ შოლცმა განაცხადა.
როგორც DW წერს, გერმანიის კანცლერმა განაცხადა, რომ კრიზისული პირობების გათვალისწინებით, ამ ეტაპზე Nord Stream 2-ი ვერ გაგრძელდება, რის გამოც, მისი დამტკიცების პროცესი შეჩერდა.
ოლაფ შოლცმა, ბერლინში ჟურნალისტებს განუცხადა, რომ მისი მთავრობა იღებს ზომებს უკრაინაში რუსეთის ქმედებების საპასუხოდ.
”ეს ტექნიკურად ჟღერს, მაგრამ ეს არის აუცილებელი ადმინისტრაციული ნაბიჯი, ასე რომ არ შეიძლება იყოს მილსადენის სერტიფიცირება და ამ სერტიფიცირების გარეშე Nord Stream 2 ვერ დაიწყებს მუშაობას” – თქვა შოლცმა.
ცნობისთვის, მილსადენის პროექტის მშენებლობა დასრულებულია, მაგრამ პროექტს ჯერ კიდევ სჭირდებოდა მარეგულირებელი სერტიფიკატი გერმანიის ხელისუფლებისგან გაზის მიწოდებამდე.
მილსადენი იყო კამათის წყარო შეერთებულ შტატებთან, რომლებმაც გამოხატეს შეშფოთება იმის გამო, რომ ეს ზრდის ევროპულ დამოკიდებულებას რუსეთზე მისი ენერგეტიკული საჭიროებებისთვის.
21 ივლისს, აშშ-მა და გერმანიამ „ჩრდილოეთის ნაკადი 2“-ის პროექტზე შეთანხმებას მიაღწიეს. შეთანხმების თანახმად, გერმანიამ ვალდებულება აიღო, ზომები მიიღოს იმ შემთხვევაში, თუ რუსეთი ენერგომატარებლის უკრაინის წინააღმდეგ გამოყენებას შეეცდება ან თუ უკრაინის მიმართ აგრესიულ ქმედებას ჩაიდენს. აღნიშნული მოიცავს გერმანიის მიერ ზომების გატარებას როგორც ეროვნულ, ასევე ევროკავშირის დონეზე, მათ შორის სანქციების დაწესებას.
[sexy_author_bio]
