კოლუმბიელი სამართალდამცავების მიერ, განხორციელებული მასშტაბური საპოლიციო ოპერაციის შედეგად დაკავებული ცნობილი ნარკობარონი დაირო ანტონიო უსუგას აშშ-ს ექსტრადირება მოხდება, ამის შესახებ BBC წერს.
გამოცემის ცნობით ნარკობარონი, რომელიც ოტონიელის სახელითაა ცნობილი, კოლუმბიის დედაქალაქ ბოგოტასთან მდებარე სამხედრო ბაზაზეა გადაყვანილი.
დაირო ანტონიო უსუგა, ხელმძღვანელობდა ქვეყნის უმსხვილეს კრიმინალურ დაჯგუფებას და წლების მანძილზე იყო აშშ-ს ნარკომომხმარებელთა სააგენტოს ყველაზე ძებნილთა სიაში.
აშშ-ს მის შესახებ ინფორმაციის მიწოდებასთან დაკავშირებით, 5 მილიონი დოლარის (3,6 მილიონი ფუნტი) ჯილდო დააკისრეს.
კოლუმბიელ ნარკობარონს აშშ-ს ნარკოტიკებთან ბრძოლის ადმინისტრაცია 2003-2014 წლებში ქვეყანაში 73 ტონა კოკაინის შეტანაში სდებს ბრალს. ის ასევე, ეჭვმიტანილია სამართალდამცავების მკვლელობის ორგანიზებასა და ბავშვთა შრომის ექსპლუატაციაში.
ოტონიელი გასულ შაბათს პანამის საზღვართან ახლოს მდებარე ერთ-ერთ სოფელში დააკავეს. დაკავების ოპერაციაში მონაწილეობდა 500 სამხედრო და 22-მდე ვერტმფრენი.
კოლუმბიის პოლიციის ცნობით, ოტონიელი კონსპირაციულ ბინებში ცხოვრობდა და კომუნიკაციისთვის მხოლოდ შიკრიკებს იყენებდა.
ცნობისთვის გარდაცვლილმა ნარკობარონმა პაბლო ესკობარმა თქვა, რომ ურჩევნია “კოლუმბიაში საფლავში წოლა, ვიდრე აშშ-ში საკანში გამოკეტვა”.
1991-დან 1997 წლამდე ექვსწლიანი პერიოდის გარდა, როდესაც კოლუმბიის კონსტიტუციამ აკრძალა კოლუმბიის მოქალაქეების ექსტრადიცია, რამდენიმე უმაღლესი დონის ტრეფიკერი, რომლებსაც ბრალი წაუყენეს შეერთებულ შტატებში, გაგზავნეს გასასამართლებლად.
მათ შორის არიან მედელინის კარტელის თანადამფუძნებელი, კარლოს ლედერი, ნარკობარონი დანიელ “შეშლილი” ბარერა და გასამხედროებული ლიდერი სალვატორე მანკუსო.
[sexy_author_bio]
