ოზურგეთელი ახალგაზრდა, ზაზა სურგულაძე, რომელიც კავკასიის საერთაშორისო უნივერსიტეტის სამართლის ფაკულტეტის მეოთხე კურსის სტუდენტია, ახლა გაცვლითი პროგრამით სამხრეთ კორეაში, ქალაქ გვანგჯუაში, Ჩონამის უნივერსიტეტში იმყოფება. აქ ის ამ წლის აგვისტოში ჩავიდა და სამართლის კურსს ეუფლება. შინ კი იანვრის ბოლოს დაბრუნდება.
გაცვლით პროგრამაში მოხვედრის წარმატებას, კიდევ ერთი, ამჯერად კავკასიის საერთაშორისო უნივერსიტეტში, ასპროცენტიანი გრანტის მოპოვება დაემატა. მის სახელზე უნივერსიტეტიდან ასეთი შეტყობინება მოვიდა: „გილოცავთ, ზაზა! 2023-2024 სასწავლო წლის გაზაფხულის სემესტრის შედეგების შესაბამისად, თქვენ მოიპოვეთ 100%-იანი სტიპენდია“.
„გურია ნიუსი“ ზაზა სურგულაძეს დაუკავშირდა:
_ახლა სამხრეთ კორეაში, ქალაქ გვანგჯუაში, Ჩონამის უნივერსიტეტში ვეუფლები სამართლის კურსს. სტიპენდია 1200 ლარის ოდენობით, საქართველოში, კავკასიის უნივერსიტეტში, წინა სემესტრში სწავლის, საუნივერსიტეტო აქტივობის შესაბამისად მოვიპოვე. ახლა გაცვლითი პროგრამის ფარგლებში ვიმყოფები უცხოეთში, რაც ჩემი ოცნება იყო. მიხარია შინ და გარეთ წარმატება. სამომავლოდ ბევრი ოცნება მაქვს. კვლავ ვიაქტიურო, დავამთავრო მაგისტრატურა, დოქტორანტურა და გავხდე კვალიფიციური კადრი. მოკლედ, კვლავ გამარჯვებებს ვგეგმავ, დანარჩენს კი მომავალი იტყვის… მადლობას გიხდით ჩემი სიხარულის გაზიარებისთვის, – გვითხრა მან.
„გურია ნიუსი“ ულოცავს წარმატებულ ახალგაზრდას ამ წარმატებებს შინ და უცხოეთში და უსურვებს ახალ გამარჯვებებს.
ავტორი
