საჭირო მასალა: 6 კილოგრამი მწვანე პომიდორი, 3 კგ ხახვი, 3 კგ წითელი ბულგარული წიწაკა, 2 კგ სტაფილო, სამი ჭიქა გატარებული ნიგოზი, რომელიც აუცილებლად წინა წლის უნდა იყოს და არა ახალი, ერთი ლიტრი ზეთი.
ორი მოზრდილი თავი ნიორი, გარჩეული და გატარებული, ხმელი სუნელები: ორი სუფრის კოვზი ზაფრანი, ამავე რაოდენობის ხმელი ქინძი და უცხო სუნელი, წიწაკა გემოვნებით, ორი ჭიქა გადანადუღები თეთრი ძმარი. წიწაკა გემოვნებით.
მომზადება: პომიდორი დავჭრათ წვრილად, მოვაყაროთ სამი სუფრის კოვზი მარილი და დავდგათ ერთი ღამით.
მეორე დღეს გავწუროთ და დავდგათ. ცალკე მოვთუშოთ ყველაფერი წვრილად დაჭრილი, პომიდვრის გარდა. შემდეგ სუნელები, ძმარი და ნიგოზი ავურიოთ ერთმანეთში, დავაყაროთ ეს ყველაფერი პომიდორს, კარგად ავურიოთ კიდევ ერთხელ.
მარილის ზომიერება დავიცვათ, თავიდანვე აქვს პომიდორს და გასინჯეთ, თუ დამატება სჭირდება.
ასე დავდგათ სამი საათით. შემდეგ ჩავასხათ ქილებში და 15-წუთიანი სტერილიზაცია გავუკეთოთ.
