ომის შესწავლის ამერიკული ინსტიტუტის (ISW) განხლებაში ნათქვამია, რომ რუსეთის ხელისუფლება აგრძელებს რელიგიის იარაღად გამოყენებას საერთაშორისო ასპარეზზე უკრაინის დისკრედიტაციის მცდელობისას და სამხედრო მიზნების მისაღწევად რელიგიის საფუძველზე საინფორმაციო ოპერაციების ჩატარებას, მიუხედავად იმისა, რომ ისინი თავად უხეშად არღვევენ რელიგიურ თავისუფლებებს უკრაინის ოკუპირებულ ტერიტორიებზე.
ISW -ს ექსპერტები ანგარიშში აღნიშნავენ, რომ რუსეთმა შესაძლოა გამოიყენოს 16 აპრილს მართლმადიდებლური აღდგომის დღესასწაული უკრაინის კონტრშეტევის გადადების მიზნით
,,რუსეთმა შეიძლება გამოიყენოს მოახლოებული მართლმადიდებლური აღდგომა უკრაინის კონტრშეტევის გადადებაში, მართლმადიდებლური რელიგიის პატივისცემის გამო ცეცხლის შეწყვეტის მოწოდებით, თუმცა თავად რუსეთი არ ავლენს ასეთ პატივისცემას რელიგიის მიმართ მის მიერ ოკუპირებულ ტერიტორიებზე.
რელიგიური დევნა, სავარაუდოდ, ასევე არის რუსეთის მიერ კულტურული გენოციდის და ეთნიკური წმენდის მიმდინარე კამპანიის ნაწილი, რომელიც მიზნად ისახავს დამოუკიდებელი უკრაინელი ერისა და უკრაინის მართლმადიდებელი ეკლესიის იდეის განადგურებას“, – წერენ ექსპერტები ანგარიშში.
ISW წერს, რომ ასეთი, პაუზა არაპროპორციულად სარგებელს მოუტანს რუსეთის ჯარებს და საშუალებას მისცემს მათ უზრუნველყონ თავიანთი მიღწევები ბახმუტში და მოემზადონ თავდაცვა უკრაინის 2023 წლის გაზაფხულის კონტრშეტევისგან.
ISW -ს ანალიტიკოსები ვარაუდობენ, რომ რუსეთის საოკუპაციო ხელისუფლება აწარმოებს სისტემატურ რელიგიური დევნის კამპანიას ოკუპირებულ უკრაინაში.
ომის შესწავლის ამერიკული ინსტიტუტის ცნობით, უკრაინაში რუსეთის სრულმასშტაბიანი შეჭრის შემდეგ, რუსმა ჯარისკაცებმა ან საოკუპაციო ხელისუფლებამ უკრაინაში რელიგიური დევნის მინიმუმ 76 აქტი ჩაიდინეს.
ავტორი
