ოზურგეთის ალ. წუწუნავას სახელობის სახელმწიფო თეატრის მსახიობი , ომარ (ომისხან) ურუშაძე 82 წლის ასაკში გარდაიცვალა.
თეატრის დასში ის გასული საუკუნის 60-იანი წლებიდან ირიცხებოდა. გადიოდა წლები და ძალიან ნიჭიერი, ამასთანავე ადამიანური თვისებებით გამორჩეული მსახიობი სახელს და დიდებას იხვეჭდა. მან შეასრულა უამრავი , მათ შორის ბევრი მთავარი, როლი თეატრში ხანგრძლივი მოღვაწეობის მანძილზე. ასევე გადაღებულია სატელევიზიო სერიალში “გოგონა გარეუბნიდან”, სადაც თამადის როლს ასრულებს ქორწილის სცენაში. მიღებული აქვს უამრავი ჯილდო, პრემიები და პრიზები. 2018 – ღირსების ორდენი, 1988 – საქართველოს დამსახურებული არტისტი ალექსანდრე ჟორჟოლიანის სახელობის პრემია. იყო ოზურგეთის საპატიო მოქალაქე. ასევე გიორგი შავგულიძის სახელობის პრემიის ლაურეატი.
ყველაზე მთავარი-ომარ ურუშაძემ ზღვა სახალხო სიყვარული მოიპოვა და დღეს გურიაში ოზურგეთელ კოლორიტის გარდაცვალებამ ყველა დაამწუხრა.
„გურია ნიუსი“ მწუხარებას გამოთქვამს და თანაუგრძნობს ოჯახს.
ავტორი
