სოციალურ ქსელით გავრცელებული ინფორმაციით, ოზურგეთის მუნიციპალიტეტის მერიაში დაგეგმილი რეორგანიზაცია ახალ ფაზაში გადავიდა. როგორც ცნობილი ხდება, დაგეგმილი რეორგანიზაცია 2 მაისს უნდა დასრულდეს.
ასევე, ვრცელდება ინფორმაცია, რომ ოზურგეთის მუნიციპალიტეტის მერიის 35 თანამშრომელს გუშინ მიუვიდათ გამაფრთხილებელი წერილი.
ოზურგეთის მუნიციპალიტეტის თანამშრომელი კუკა ბარამიძე სოციალურ ქსელში წერილის მიღების შემდეგ სტატუსს აქვეყნებს.
“ზელენსკის რომ ვაგინო, ვოლოდიმირს, მაინც გამიშვებენ სამსახურიდან?
მცირე განმარტება: შეტყობინება რაც მივიღე, ფაქტობრივად, სამსახურიდან გათავისუფლების შეტყობინებას ნიშნავს. რეორგანიზაცია სრულდება 2 მაისს. გარკვეული მოქმედებები კიდევ უნდა გახორციელდეს, რის შემდეგაც მექნება სრული სურათი.
აქვე გეტყვით, რომ მაქვს სამარლებრივი ბერკეტები და გექნებათ სიამოვნება, იხილოთ მდევნელი და რეპრესიული სისტემის (მუნიციპალურ დონეზე) უსუსურობა, თუ ამის საჭიროება დადგება.
ჰო, ეს უკვე მეორედ მოხდება. წინა მერის პირობებშიც გავიარე მსგავსი პეოცესი და თანამდებობაზე, რომელსაც დღეს ვიკავებ, უზენაესი სასამართლოს გადაწყვეტილების საფუძველზე აღმადგინეს.
მთავარი: მადლობა, მეგობრებო . თქვენთან ერთად ეს პროცესი უფრო ძლიერი და საინტერესოა“, _ წერს ფეისბუქზე კუკა ბარამიძე.
“გურია ნიუსი“ ამ საკითხთან დაკავშირებით ოზურგეთის მუნიციპალიტეტის მერიის პრესსამსახურს დაუკავშირდა, მაგრამ მათ ამ ეტაპზე კომენტარის გაკეთებისგან თავი შეიკავეს.
