ოზურგეთში, ფოლკლორის ცენტრში, ვეტერანების საქმეთა სამსახურის ათი წლის იუბილესთან დაკავშირებით, გურულ ვეტერანებთან შეხვედრა შედგა.
დარბაზში წარმოდგენილ ვეტერანებს მიესალმა და ესაუბრა ვეტერანების საქმეთა სახელმწიფო სამსახურის ხელმძღვანელი, გენერალ-მაიორი, კობა კობალაძე.
მან თქვა, რომ 17 ოქტომბერს ამ სამსახურს ათი წლის იუბილე აქვს. სწორედ ამ თარიღთან დაკავშირებით ეწყობა ტურნე მთელ ქვეყანაში და პირველი შეხვედრა გურიაში შედგა.
კობა კობალაძემ თქვა, რომ დღეის მდგომარეობით 70 ათასი ვეტერანია საქართველოში. ჩამოთვალ კატეგორიები.
_ჩვენ გურიაში ჩამოვედით, რათა შემაჯამელი ანგარიშით წარვდგეთ თქვენს წინაშე, მოვისმინოთ თქვენგან კითხვები. გვსურს. ასევე მოკლედ გეტყვით, ათი წლის განმავლობაში რა გააკეთა დეპარტამენტმა, _ თქვა მან.
მან დარბაზში მყოფთ ესაუბრა გაკეთებულ საქმეებზე, მიმდინარე პროექტებზე. მონიტორის მეშვეობით აჩვენა სლაიდები, თუ რა მდგომარეობა იყო წინა ხელისუფლების დროს და რა ნაბიჯებია გადადგმული მომდევნო წლებში, როცა ხელისუფლებაში „ქართული ოცნება“ მოვიდა.
კობა კობალაძემ საკმაოდ ვრცლად ისაუბრა სამომავლო გეგმებზე და პროექტებზე.
ბოლოს დარბაზში მყოფ ვეტერანებთან დიალოგი კითხვა-პასუხის რეჟიმით შედგა.
ავტორი
