“ერთიანი ნაციონალური მოძრაობის“ ერთ-ერთი ლიდერი ლევან ხაბეიშვილი ოზურგეთში იმყოფებოდა. ის თანაპარტიელებთან ერთად ოზურგეთის მუნიციპალიტეტის მერის მოადგილეს გიორგი ღურჯემელიძეს შეხვდა.
“ერთიანი ნაციონალური მოძრაობის“ ოზურგეთის ორგანიზაციის თავმჯდომარემ “გურია ნიუსთან“ საუბრის დროს აღნიშნა, რომ ისინი ოზურგეთის საბავშვო ბაღის თანამშრომლების ხელფასების მატებასთან მოითხოვენ.
დავით მჟავანაძე: “გავრცელდა ინფორმაცია, რომ წინასაარჩევნოდ ხელისუფლება დაპირდა საბავშვო ბაღებში დასაქმებულ ადამიანებს გაეზრდებოდათ ანაზღაურება. ახლა არის საუბარი გაზაფხულზე ხელფასების გაზრდაზე, მაგრამ დაახლოებით 30 ლარზე არის საუბარი.
ხელისუფლებას მოვუწოდებთ, რომ თუ გასცეს მსგავსი დაპირება დროულად მოხდეს ხელფასების მატება. უახლოეს დღეებში საკრებულო აპირებს დადგენილების დამტკიცებას, რის საფუძველზე მოხდა საკრებულოს და საკრებულოს აპარატის თანამშრომლების ხელფასების მატება და შემდეგ იგეგმება ოზურგეთის მუნიციპალიტეტის მერიის თანამშრომლებისთვის ანაზღაურების მომატება. აქედან გამომდინარე ბაღის თანამშრომლებისთვის, არავის სცალია და ყველა კარგად ვხედავთ, ვის ეზრდება ხელფასები.
მაშინ, როდესაც თანამდებობის პირები იმატებენ 1000-1500 ლარით ხელფასს, სირცხვილია ბაღის თანამშრომლებისთვის 30 ლარით მატებაზე იყოს საუბარი. ხელისუფლების წარმომადგენლებმა იცხოვრონ იმ ხელფასზე, რითაც საბავშვო ბაღში დასაქმებულები ცხოვრობენ და მერე მიხვდებიან, რამდენად უჭირთ ხალხს.
მინდა ვთქვა, რომ ხელისუფლებამ გადაადგო ბაღის თანამშრომლები და იტყუებიან.
ოზურგეთის მუნიციპალიტეტის მერის მოადგილე გიორგი ღურჯუმელიძე “გურია ნიუსთან“ საუბრის დროს ამბობს, რომ ბაღის თანამშრომლებს ხელფასი 2022 წელს აუცილებლად მოემატებათ და ამის შესახებ სპეციალური განცხადება გაკეთდება.
“2022 წლის ბიუჯეტში ხელფასების მატება უკვე დევს და ამის შესახებ აუცილებლად გახდება ცნობილი. “ – გვითხრა გიორგი ღურჯუმელიძემ.
ჩვენს კითხვაზე, როგორც “ერთიანი ნაციონალური მოძრაობას“ აქვს ინფორმაცია, რომ ბაღების თანამშრომლებისთვის 2022 წლის დასასწყისში უნდა მომხდარიყო ხელფასების გაზრდა, გიორგი ღურჯუმელიძემ გვიპასუხა:
“ასეთი დაპირება, რომ წლის დასასწყისში გაიზრდებოდა ხელფასები, ჩვენ არ გაგვიცია. ოზურგეთის მუნიციპალიტეტის მერმა ბიუჯეტის დამტკიცების დროს თქვა, რომ მოხდებოდა ხელფასების გაზრდა 2022 წელს და დამატებით ინფორმაციას ამ საკითხთან დაკავშირებით გავავრცელებთ.“ – თქვა გიორგი ღურჯუმელიძემ.
[sexy_author_bio]
