ქალაქ ოზურგეთში, “ახალგაზრდა პედაგოგთა კავშირის“ ორგანიზებით, პოლიციელებისთვის სპეციალური ტრენინგი ჩატარდა.
ტრენინგზე ყურადღება გამახვილდა ბავშვებთან საკომუნიციო ტექნიკებსა და სწორი დამოკიდებულების გამოვლენის სტრატეგიებზე, რათა პროფესიული საქმიანობის პროცესში სამართალდამცავებმა ბავშვების მიმართ გამოხატონ მეგობრული დამოკიდებულება.
ტრენინგის თემა იყო – „ბავშვებთან კომუნიკაციის სპეციფიკა და თავისებურებები“. პოლიციელებისთვის აღნიშნულ საკითხებზე ექსპერტმა, ბავშვზე ზრუნვის სპეციალისტმა, და “ახალგაზრდა პედაგოგთა კავშირის“ წარმომადგენელმა სალომე ჭიჭინაძემ ისაუბრა.
“ უკვე წლებია, არაფორმალური განათლების ცენტრი ფუნქციონირებს და მასში 150 ბავშვზე მეტია ჩართული. ჩვენ მათთან ერთად მუდმივად განვიხილავთ გარემოში არსებულ პრობლემურ საკითხებს. რესურსი, როცა საქმე ეხება ბავშვთა უფლებების დაცვას. მათი მხრიდან, თითქმის არასოდეს პოლიცია, როგორც უწყება, არასდროს განიხილება, როგორც მხარდამჭერი რესურსი. ამიტომაც, არის დღეს, ეს საკითხი ერთ-ერთი სერიოზული გამოწვევა ჩვენთვის, ვინც ბავშვთა უფლებებზე და მოზარდების განათლებაზე მუშაობს. არსებობს ძალიან სტერეოტიპული დამოკიდებულება პოლიციის მიმართ, პოლიცია განიხილება, როგორც სადამსჯელო უწყება. აქედან გამომდინარე, ჩვენ გვინდა, ხელი შეუწყოს მოზარდებსა და სამართალდამცავ უწყებებს შორის პოზიტიური თანამშრომლობის კულტურის ჩამოყალიბებას. დღეს ამის სერიოზული დეფიციტია“, _ გვითხრა “ახალგაზრდა პედაგოგთა კავშირის“ თავმჯდომარის მოადგილემ, ნონა სადრაძემ.
