დღეს, ოზურგეთში, პარტია „ქართული ოცნების“ თავმჯდომარე ირაკლი კობახიძე და სხვა ლიდერები იმყოფებოდნენ.
ჟურნალისტებთან მათ ისაუბრეს მიმდინარე საარჩევნო კამპანიაზე, საარჩევნო აქტივობებზე, რაც წარუდგინეს საზოგადოებას.
მათ, ძირითადად, ყურადღება გაამახვილეს საარჩევნო პროცესზე.
ირაკლი კობახიძემ თქვა, რომ მთელ საქართველოში ხვდებიან შტაბების ხელმძღვანელებს, მერობის კანდიდატებს და ესაუბრებიან მოახლოებული თვითმმართველობის არჩევნების დემოკრატიულად, სამართლიანად ჩატარების თაობაზე. ამ მიზნით ჩამოვიდნენ ოზურგეთშიც.
კობახიძესთან ერთად, ჟურნალისტებს ესაუბრნენ პარტიის ლიდერები, მამუკა მდინარაძე და არჩილ თალაკვაძე.
მათ, რაც ერთნაირად გააჟღერეს, იყო ოპტიმისტური განწყობის გამოხატვა,რომ არჩევნებს ქართული ოცნების მერობის კანდიდატი ავთანდილ თალაკვაძე პირველივე ტურში იგებს. ასევე დაანონსეს, რომ სამივე მიმართულებით, პირველივე ტურში გამარჯვებული „ქართული ოცნება“ იქნება.
_ პარტიის ლიდერები რეგიონებში შტაბებს ხვდება. ჩვენ მადლობაც ვუთხარით მათ, თუ როგორ იხარჯებიან იმისთვის, რომ გამარჯვება მოიპოვონ. გურიაში განსაკუთრებით დიდი უპირატესობის მოგების იმედი გვაქვს. ჩვენ ვიცით, რომ მეორე დღისთვის ემზადება ოპოზიცია, რომ იძახონ და ირბინონ, თითქოს არჩევნები გაყალბდა. შტაბების წარმომადგენლებს, კომისიის წევრებს განსაკუთრებით ვთხოვეთ, ყურადრება მიაქციონ პარტიების წარმომადგენლებს ყველგან, არჩევნების დროს. ოპოზიცია იტყვის, რომ ბევრგან მოხდა ოქმების ცუდად დაწერა , რათა მერე იძახონ და ირბინონ, რომ არჩევნები გაყალბდა. ბევრგან იქნება სბოტაჟის მცდელობა. მოვუწოდებ ყველას, მაქსიმალურად დააფიქსირონ რეალობა, ვინც არის კომისიებში, რომ ვერ გააფუჭონ ოქმები. რომ მერე ვერ ატეხონ ამბავი მეორე დღეს, _ თქვა მდინარაძემ.
ჟურნალისტებს ესაუბრა არჩილ თალკვაძე.
_ დღეს საქართველოს მასშტაბით, ოზურგეთში გვქონდა შეხვედრა, განვიხილეთ საარჩევნო პორცესი, საარჩევნო აქტივობა. ყვრელა მონაცემი არსებობს იმისთვის, რომ პირველ ტურში გავიმარჯვებთ დიდი უპირატესობით. ამას მოწმობს მოსახლეობასთან ჩვენი შეხვედრები და მზარდი მხარდაჭერა. ის 8 პუნქტიანი გეგმა, რაც წარვადგინეთ არის მორგებული რეალობას. ასეა ჩოხატაურსა და ლანჩხუთშიც. ჩვენს პარტიას სამომავლო განვითარების გეგმა აქვს, _თქვა არჩილ თალაკვაძემ და დასძინა, რომ საზოგადოებასთან ერთად, დამაჯერებელ გამარჯვებას მოიპოვებენ.
[sexy_author_bio]
