მშვილდოსანი
ბრძენი და პრაგმატული. ადრეული წლებიდან პროფესიას ირჩევს და წლების განმავლობაში სრულყოფს. მიზანი აქვს და დაუღალავად წინ მიიწევს. ყოველთვის იცის, რა სურს. პრობლემების წინაშე გონებას არ კარგავს. მისთვის პრობლემების გადალახვა გამოწვევაა, საკუთარი ძალების გამოცდა. ასეთ ადამიანთან ურთიერთობის აწყობა კომფორტია. ყოველთვის იცით, რას ელოდოთ. საკუთარ თავზე შესანიშნავად ზრუნავს. ის ადამიანი არაა, ვინც ყველა საოჯახო საქმეს გადმოგაბარებთ. პირიქით, მისთვის მნიშვნელოვანია, რომ პარტნიორი განვითარდეს. ამაშია მშვილდოსნის ცხოვრებისეული სიბრძნე.
კირჩხიბი
წყნარი და მომთმენი. ცოტათი ჩაკეტილი შეიძლება მოგეჩვენოთ. ხალხთან საერთო ენის პოვნა უჭირს. არასტანდარტული აზროვნება წინსვლაში ეხმარება. საკუთარ თავს პოულობს პროფესიაში, რომელიც პრობლემის სხვა თვალით დანახვას მოითხოვს. კირჩხიბი წარმატებული ბიზნესმენი, პოლიტიკოსი და მეცნიერია. კარიერაში ხშირად წარმატებულია. პირად ცხოვრებაშიც წარმატებას აღწევს, რადგან პარტნიორზე ზრუნვა შეუძლია. ჰარმონიული ურთიერთობის შექმნა და კომპრომისის პოვნა შეუძლია. მისგან შესანიშნავი მამა გამოვა.
მერწყული
ეს ადამიანი სიტყვას ჯიბეში არ ეძებს. ყველაფერზე საკუთარი აზრი აქვს, ასევე მყარი არგუმენტები. გარშემომყოფების პატივისცემას და კეთილგანწყობას ადვილად პოულობს. სამსახურში დაწინაურებას ხშირად აღწევს. მისგან მკაცრი, მაგრამ გონიერი უფროსი გამოდის. ნებისმიერ ადამიანთან მიდგომა შეუძლია. ქალთან ურთიერთობას ადვილად ამყარებს. იცის, როგორ გაახაროს ქალი. მისი ქარიზმა მომხიბვლელია. უჩვეულოდ ჭკვიანი, განათლებულია. მასთან საუბარი საინტერესოა. ამით სხვებს იპყრობს.
