ფილტვები – მოწევისთვის თავის დანებებიდან 1-დან 9 თვემდე პერიოდში ორგანიზმი აგრძელებს ენერგიის აღდგენის პროცესს. უმჯობესდება ფილტვების მუშაობის ხარისხი, ხოლო ორგანიზმს უმუშავდება უნარი, უფრო მარტივად გაუმკლავდეს სხვადასხვა დაავადებებს.
ფილტვის სიმსივნე – მოწევისთვის თავის დანებებიდან 10 წლის შემდეგ, თქვენს ფილტვებზე სიმსივნის გაჩენის რისკი ზუსტად იგივე იქნება, როგორიცაა არამწველების შემთხვევაში.
გულის შეტევა – მოწევისთვის თავის დანებებიდან 24 საათის შემდეგ, მცირედით, მაგრამ მაინც, შემცირებულია გულის შეტევის რისკი. მიუხედავად იმისა, რომ მოწევის სურვილი უფრო იზრდება და ამის გამო გაღიზიანებული ხართ, უნდა იცოდეთ, რომ ორგანიზმი იწყებს გაწმენდას მავნე ნივთიერებებისგან და ერთი დღის თავის დანებების შემდეგაც, უკვე სერიოზული ცვლილებებია ჯანმრთელობის მდგომარეობის გაუმჯობესების კუთხით.
დაბრუნება ნორმალურ რეჟიმში – მოწევისთვის თავის დანებებიდან 15 წლის გასვლის შემდეგ, გულის შეტევის რისკი შემცირებულია და ის ზუსტად ისეთივეა, როგორც არამწველებში.
ჟანგბადი – მოწევისთვის თავის დანებებიდან 8 საათის შემდეგ, სისხლში ჟანგბადის დონე იზრდება.
ზოგადად, ჯანმრთელობის მდგომარეობა – მოწევისთვის თავის დანებებიდან ერთი წლის შემდეგ, გულის დაავადებების გაჩენის რისკი ორჯერ უფრო ნაკლებია.
სიმპტომები – მოწევისთვის თავის დანებებიდან სამი დღის შემდეგ, ნიკოტინი მთლიანად ტოვებს ორგანიზმს. ამიტომ, შესაძლოა შეგაწუხოთ თავის ტკივილმა, ოფლიანობამ, გულისრევის შეგრძნებამ. რთულია, მაგრამ ჯანმრთელობა უფრო მნიშვნელოვანია, ამიტომ მოტივაცია არ უნდა დაკარგოთ და არ უნდა დანებდეთ. გახსოვდეთ, რომ ეს სირთულეები მალე გაივლის.
ცირკულაცია – თამბაქოს მოწევის თავის დანებებიდან 2 კვირის შემდეგ, ორგანიზმში მნიშვნელოვნად უმჯობესდება სისხლის მიმოქცევის ხარისხი. აღმოაჩენთ, რომ უფრო მარტივად შეგიძლიათ შორ მანძილზე ფეხით გადაადგილება და მარტივად არ იღლებით. 30%-ით უმჯობესდება ფილტვების მუშაობის ხარისხი.
მოწევის დაუოკებელი სურვილი – ეს სურვილი განსაკუთრებით თავს იჩენს მოწევისთვის თავის დანებების შესახებ მიღებული გადაწყვეტილებიდან ორი საათის შემდეგ.
შემცირებული რისკები – მოწევისთვის თავის დანებებიდან 5 წლის შემდეგ, ყელისა და საყლაპავი მილის სიმსივნის გაჩენის რისკი 50%-ითაა შემცირებული. ასევე, შემცირებულია ფილტვის სიმსივნის გაჩენის რისკებიც.
სისხლის მიმოქცევა – მოწევისთვის თავის დანებების გადაწყვეტილების მიღება რთულია, მაგრამ უნდა იცოდეთ, რომ ბოლო ღერის მოწევიდან მხოლოდ 20 წუთის გასვლის შემდეგ, პულსი და სისხლის მიმოქცევა იწყებს ნორმალიზებას.
მგრძნობელობა – იზრდება ადამიანის მგრძნობელობა თამბაქოს მოწევისთვის თავის დანებებიდან 48 საათის შემდეგ. უმჯობესდება გემოს შეგრძნება. ნახავთ, რომ საკვები უფრო გემრიელია, ასევე გაგიუმჯობესდებათ სმენის ხარისხიც, ყნოსვა და მხედველობა.
