ვერძი
ის დიდხანს არ იფიქრებს; როგორც კი იგრძნობს, რომ შეუყვარდა, ზედმეტი ფიქრის გარეშე წავა უახლოეს ყვავილების მაღაზიაში, იყიდის უზარმაზარ თაიგულს, შემდეგ მიჭენდება დიდი თეთრი რაშით გულისსწორთან და მუხლებზე დაჩოქილი შესთავაზებს გულსა და ხელს.
ის საოცრად ვნებიანია და ქალის გულის მოსანადირებლად ყველაფერს გააკეთებს იქამდე, სანამ ეს უკანასკნელი ვერძის მომხიბვლელობის ტყვე არ გახდება.
კურო
კურო ქალს კაფეში ან რესტორანში დაპატიჟებს, შემდეგ მის ნაზ ხელს ხელით შეეხება და გულწრფელად მოუყვება საკუთარი გრძნობების შესახებ. გრძნობის დამალვა კუროსთვის უფრო ძნელია, ვიდრე გამხელა. ამიტომაც ის რაც შეიძლება მალე გამოუტყდება გულისსწორს სიყვარულში.
ტყუპი
ტყუპს საკუთარ გრნობებზე საუბარი რომელიმე ღონისძიებაზე ურჩევნია. ამიტომაც ის ქალს დაპატიჟებს ან კონცერტზე, ან ფეხბურთის მატჩზე, ან ბუნებაში პიკნიკზე. თუმცა მაინც, ტყუპი იშვიათად აკეთებს აქცენტს თავის გრძნობებზე, ის, უბრალოდ, თავისი საქციელით ამტკიცებს ამას. მაგრამ თუ თქმაც საჭირო გახდა, ტყუპი ამასაც გააკეთებს, თანაც მარტივად და ძალდაუტანებლად. თუმცა ხშირად ტყუპის გრძნობა ცვალებადია. ამიტომაც თუ მან გუშინ გითხრათ “მე შენ მიყვარხარ”, შეიძლება ხვალ ამ სიტყვებმა სულ სხვა მნიშვნელობა მიიღოს.
კირჩხიბი
კირჩხიბი ერთ-ერთი ყველაზე მგრძნობიარე ნიშანია. თუ მას შეუყვარდა, შეიძლება ჩუმად იტანჯოს და არაფერი უთხრას ქალს, რადგან ეშინია, რომ დაცინვის ობიექტი არ გახდეს. ის მიუძღვნის ლექსებს და ბალადებს, მაგრამ თუ ბედი გაუღიმებს და კირჩხიბი ქალსაც მოეწონება, ის გათამამდება, გულისსწორთან ერთად გაემგზავრება ბუნებაში და ვარსკვლავებით მოჭედილ ცას, ყვავილებით მორთულ მინდორსა და საკუთარ გულს აჩუქებს.
ლომი
ლომი – შუასაუკუნეების რაინდია. ის არ გაჩუმდება და არ გაჩერდება – ქალის დაპყრობას ყველანაირად შეეცდება. ამასთან, უმჯობესი იქნება, რომ ამ დროს მაყურებელი ბევრი იყოს. როცა ლომი შეყვარებულია, ის ქალისთვის არ იშურებს ძვირფას საჩუქრებს, კომპლიმენტებს და ყველანაირად ცდილობს დაუმტკიცოს ქალს, რომ სწორედ ის არის დედამიწაზე საუკეთესო მამაკაცი. უარი კი არ მიიღება!
ქალწული
ქალწული – ჰოროსკოპის ყველაზე მიწიერი ნიშანია. ის არც ლექსებს დაწერს და არც სხვა რომანტიკული იდეებით აიტკიებს თავს. მისთვის საქმე უფრო მნიშვნელოვანია სიტყვებზე. ასე რომ, ქალწული ან საჩუქარს (ოღონდ მოკრძალებულს) გაუკეთებს ქალს და სხვათა შორის ეტყვის თავისი გრძნობების შესახებ, ან პირდაპირ ცოლობას სთხოვს მას.
სასწორი
მიუხედავად იმისა, რომ სასწორები ძალიან რომანტიკულები არიან, ისინი მერყევი ბუნებითაც გამოირჩევიან. თუმცა, თუ სასწორი დარწმუნებულია თავის გრძნობებში, ის გულისსწორს აავსებს ყვავილებით, კანფეტებით, დაუწერს ლექსებს და ფანჯრებთან სერენადებსაც უმღერებს.
მორიელი
თუ მორიელი ნამდვილად შეყვარებულია, ის სპეცსაშუალებების მთელ არსენალს გამოიყენებს იმისათვის, რომ თავისი გრძნობის ობიექტი მოინადიროს. ეს შეიძლება იყოს ლექსები, საჩუქრები, რომანტიკული სიურპრიზები, ყავა ლოგინში ან ერთობლივი მოგზაურობა შორეულ ქვეყნებში: გააჩნია, რომელი უფრო დააბამს გულისსწორს. მაგრამ თუ მისი სიყვარული ზედაპირულია, ის სიტყვებით შემოიფარგლება, მაგრამ ამ ნიშნის თანდაყოლილი მიმზიდველობის წყალობით, მორიელი მინიმალური მონდომებითაც მიაღწევს საწადელს.
მშვილდოსანი
მშვილდოსნისთვის სიყვარულის ახსნა მარტივია, რომანტიკული და სასიამოვნო პროცესი, თუ, რა თქმა უნდა, ეს სიყვარული არ აჩენს არანაირ ვალდებულებას. თუ ქალი მშვილდოსნისგან სიკვდილამდე სიყვარულსა და ერთგულებას ელის, მაშინ მშვილდოსანმა შესაძლოა, მაშინვე გადაიფიქროს და სიტყვებიც უკან წაიღოს.
თხის რქა
თხის რქა რომანტიკული არ არის და თუნდაც გულის სიღრმეში ასეთიც იყოს, ის არ გამოამჟღავნებს ამას. ამიტომაც ნუ ელით მისგან ფანჯრის წინ სერენადების მღერას და ლექსების წერას. უფრო სარწმუნოა, რომ თხის რქა გულისსწორს ძვირფას რესტორანში დაპატიჟებს და ძვირფასთვლიან ბეჭედს აჩუქებს სიყვარულის ნიშნად.
მერწყული
მერწყულისთვის საკმაოდ რთულია სიყვარულის ახსნა, ის მიჩვეულია საწინააღმდეგო სქესის წარმომადგენლებთან მეგობრობას. ამიტომაც, შესაძლოა, საყვარელ ქალთანაც მეგობრობა ამჯობინოს. ქალი კი იმით გამოიცნობს მასზე შეყვარებულ მერწყულს, რომ მისი დანახვისას მეგობარს სახის გამომეტყველება შეეცვლება.
თევზები
მგრძნობიარე თევზები საყვარელ ქალს გრძნობებს მინიშნებებით გაუმხელს. თუ ქალი ვერ მიხვდება, ის წერილს მისწერს, რადგან თევზებისთვის უფრო მარტივია თავისი გრძნობების შესახებ წერა, ვიდრე – ლაპარაკი.
ავტორი
