ხარკოვის ოლქის გარშემო დამარცხებას კრემლი პასუხობს თვით მობილიზების გაურმაგებით. რუსეთის რეგიონები ჩეჩნეთის ლიდერის, რამზან კადიროვის “თვითმობილიზაციის” მოწოდების გარშემო გაერთიანდნენ – ამის შესახებ ომის შესწავლის ინსტიტუტის ISW-ის ანალიტიკოსები აცხადებენ.
რუსი ოკუპანტებისთვის დამატებითი ძალების მიწოდების მიზნით, ადგილობრივ დონეზე გამოცხადდა „თვითმობილიზაცია“. რეგიონები ცდილობენ შეკრობონ კაცები უკრაინის წინააღმდეგ ომში მონაწილეობის მისაღებად.
ომის შესწავლის ინსტიტუტის ინფორმაციით, 16 სექტემბერს ვლადივოსტოკის მერიამ დაადასტურა, რომ ქალაქის ადმინისტრაცია უგზავნის წერილებს 25-დან 63 წლამდე ასაკის კაცებს, რომლებსაც აქვთ სამხედრო სამსახურისა და სარეზერვო სამსახურის გამოცდილება, ასევე მათ, ვინც სამხედრო აღრიცხვაზე იმყოფება ვლადივოსტოკის ადგილობრივ სამხედრო კომისარიატში. ისინი მიწვეულნი არიან БАРС-ში (ქვეყნის საბრძოლო არმიის რეზერვი) ან ე.წ. მოხალისეთა ქვედანაყოფებში „ვეფხვი“ (საზღვაო ქვეითები).
როგორც ანალიტიკოსები აღნიშნავენ, ვლადივოსტოკის მერის განცხადება მიუთითებს იმაზე, რომ რუსეთის მუნიციპალური ხელმძღვანელობაზე შესაძლოა, ფედერალური ხელისუფლების მხრიდან ხორციელდება ზეწოლა „მოხალისეთა ბატალიონების“ შესაქმნელად.
ომის შესწავლის ინსტიტუტი წერს, რომ კადიროვის „თვითმობილიზაციის“ იდეას მხარი დაუჭირეს სხვა რეგიონებმა. კერძოდ, კიროვის ოლქის გუბერნატორმა, ალექსანდრე სოკოლოვმა განაცხადა, რომ კიროვმა ჩამოაყალიბა თავისი მეორე მოხალისეთა ბატალიონი სახელწოდებით „შირონინი“ და განაცხადა, რომ რეგიონული მოხალისეთა ბატალიონი „ვიატკა“ უკვე იბრძვის უკრაინაში.16 სექტემბერს ოკუპირებული ყირიმის ეგრეთ წოდებულმა „ლიდერმა“ სერგეი აქსიონოვმა განაცხადა, რომ ყირიმი იწყებს აქტიურ მუშაობას მოხალისეების დასაქირავებლად. მისი თქმით, მოხალისეთა ბატალიონების დაფინანსებაში, უცნობმა მსხვილმა საბანკო დაწესებულებებმა შეიტანეს წვლილი და საჭირო თანამედროვე ტექნიკა შეიძინეს.
მაგადანის რეგიონის გუბერნატორმა სერხიი ნოსოვმა გამოაცხადა ფინანსური მხარდაჭერა “თვითმობილიზაციისთვის” და მოუწოდა ყველა რეგიონს გაწევრიანდნენ.
კემეროვოს გუბერნატორი სერგეი ცივილოვი მოხალისეთა ბატალიონებს ფინანსურ დახმარებას დაჰპირდა და განაცხადა, რომ კემეროვოს ბევრი მცხოვრები უკვე იბრძვის რუსეთის ჯარში.
ცნობისთვის, 16 სექტემბერს „თვითმობილიზაციის“ იდეოლოგმა, რამზან კადიროვმა განაცხადა, რომ ჩეჩნური ბატალიონები „ახმათი“, „ჩრდილოეთი“ და „ზაჰიდი“ დონბასში გადაიყვანეს. მისი თქმით, შეიქმნა კიდევ ერთი „ახმატ-1“ 2000 კაციანი რაზმი, „კბილებამდე შეიარაღებული“.
ავტორი
