საჭირო მასალა: ერთი შეკვრა ფენოვანი ცომი. შეგვიძლია, ვიყიდოთ ან შინ მოვამზადოთ. 100 გრამი ბროკოლი, ერთი ნაჭერი მოხარშული ქათმის ფილე. 150 გრამი ქამა სოკო, შეიძლება ქილებში დაკონსერვებული სოკოც გამოვიყენოთ. ხახვი სასურველი რაოდენობით, მარილი გემოვნებით.
სოუსისთვის: 200 გრამი ნაღები ან არაჟანი, ორი ცალი კვერცხი, ცოტა მუსკატის კაკალი, შავი პილპილი გემოვნებით, მარილი, გახეხილი ყველი ზემოდან მოსაყრელად.
მომზადება: ფენოვანი ცომის ფირფიტა დავაფინოთ მოზრდილ ტაფაზე ან “ჟარონაზე” ისე, რომ კიდეები კარგად დარჩეს გადმოწეული.
მოვაფინოთ ზედ წვრილად დაჭრილი და ერთმანეთში კარგად არეული ბროკოლი, სოკო, ხორცის ფილე, მარილი გემოვნებით უნდა ჰქონდეს. მერე დავასხათ ათქვეფილი კვერცხი, რომელსაც შერეული ექნება მუსკატი, შავი წიწაკა და მარილი. შემოვუკეცოთ გადმორჩენილი ფირფიტის გვერდები. ზემოდან მოვაყაროთ დაფხვნილი ყველი და შევდგათ აირღუმელში. როცა მოიბრაწება, გამოვიღოთ. შეგვიძლია, როგორც მომცრო, ისე მოზრდილ ზომებად დაჭრა, დავალაგოთ სინზე და დავდგათ მაგიდაზე. მიირთვით თბილ მდგომარეობაში.
