აშშ-ის პრეზიდენტის მრჩეველი უსაფრთხოების საკითხებში, ჯეიკ სალივანი აცხადებს, რომ შტატები რუსეთის მხრიდან სანქციების გვერდის ავლის მცდელობის აღსაკვეთად ახალი ზომების მიღებას გეგმავს.
მისი თქმით, დოკუმენტი უახლოეს დღეებში გამოქვეყნდება და დაწესებული სანქციები რუსეთისთვის და მისი მეგობრებისთვის ძალიან მძიმე იქნება.
”ჩვენი ყურადღება გამახვილდება უახლოეს დღეებში, ეს არის თავის არიდებაზე. ვფიქრობ, მომდევნო 1-2 კვირის განმავლობაში მივიღებთ ინფორმაციას იმ სუბიექტების შესახებ, რომლებიც ცდილობენ, რუსეთს დაეხმარონ სანქციების თავიდან არიდებაში, როგორც რუსეთის ფედერაციის შიგნით, ასევე მის ფარგლებს გარეთ. ისინი გახდებიან ჩვენი სამიზნეები”, – თქვა სალივანმა.
სალივანმა თქვა, რომ ვაშინგტონს არ აქვს სურვილი დაუბრუნოს იახტები და სხვა აქტივები, რომლებიც ჩამორთმეულია იმ ადამიანებისგან, რომლებსაც ისინი პუტინთან კავშირში მყოფ ოლიგარქებად თვლიან.
“ჩვენი მიზანია გამოვიყენოთ ისინი უკეთესად. მაგრამ მე ვიქნები ფრთხილად, რასაც ვიტყვი დღეს, რადგან არსებობს მუდმივი, ერთგვარი პოლიტიკის პროცესი იმის შესახებ, თუ როგორ დავასრულებთ ამ საკითხს. მაგრამ დარწმუნებული იყავით, რომ მიზანი არ არის მხოლოდ მათზე ცოტა ხნით ქონდა და შემდეგ ყველა უკან გადაცემა”, – აშშ-ს პრეზიდენტის მრჩეველმა უსაფრთხოების საკითხებაში.
მისივე თქმით, რუსეთის ნებისმიერმა მცდელობა, ხელი შეუშალოს უკრაინისთვის იარაღის მიწოდებას, შესაძლოა, დასავლეთთან დაპირისპირება გამოიწვიოს.
“აშშ უკრაინის ტერიტორიაზე არ მოქმედებს, შესაბამისად, თუ რუსები, განახორციელებენ დარტყმას ნატო-ს ტერიტორიაზე, სადაც აღჭურვილობა გროვდება, ეს ალიანსის მე-5 მუხლის ამოქმედებას გამოიწვევს და თამაშის წესებს სრულიად შეცვლის.
ნატოს წესდების მე-5 მუხლი ამბობს, რომ თავდასხმა სამხედრო ალიანსის ერთ წევრზე არის თავდასხმა მის ყველა წევრზე. იგი მხოლოდ ერთხელ იქნა გამოყენებული, 2001 წლის 11 სექტემბრის შეერთებულ შტატებზე თავდასხმების შემდეგ“, – თქვა ჯეიკ სალივანმა.
