დიდთოვლობამ გურიაში არაერთი პრობლემა შექმნა. უშუქოდ და გზის დაგარეშე დარჩენილ სოფლებში მოქალაქეები ახლობლების, ოჯახის წევრების პოვნას და დახმარებას ცდილობენ.
“ოზურგეთის მუნიციპალიტეტში,სოფელ მშვიდობაურში მესამე დღეა ვერ ვუკავშირდებით 80 წლის ბებიას, სამი ობოლი ბავშვი ჰყავს. მესამე დღეა კავშირი აღარ მაქვს. სახლი უკანა მხარეს ავარიულია.. სახლის ფანჯრები ქალს თოკით ჰქონდა საწოლზე გამობმული, ისე აკავებდა. ძალიან გთხოვთ, იქნებ მოხერხდეს ამ ბებოს და ბავშვების დახმარება”, _ წერს ნანა შველიძე.
აღნიშნულ საკითხთან დაკავშირებით “გურია ნიუსი” ოზურგეთის მუნიციპალიტეტში მერის წარმომადგენელს ბახვის ადმინისტრაციულ ერთეულში კახი მგელაძეს ესაუბრა. მშვიდობაური ბახვის თემში შემავალი სოფელია.
“ძალიან დიდი თოვლია. ტექნიკას გაწმენდა უჭირს, ვერ ერევა იმხელა თოვლია. იქამდე რომ მივიდეთ, შეუძლებელია. იქ ცხოვრობს სამეზობლოში ხალხი, რომლებიც ამ ოჯახს, დარწმუნებული ვარ, უყურადღებოდ არ დატოვებენ. დანარჩენს ვერ გეტყვით, ტელეფონები გათიშულია, დენი არ არის”, _ ამბობს მერის წარმომადგენელი.
კითხვაზე, რა მდგომარეობაა ბახვში, მერის წარმომადგენელი გვპასუხობს:
_ ინფორმაცია სახლების დაზიანების შესახებ არ შემოსულა. მძიმე თოვლია და შეიძლება ერთი-ორს დამხმარე ნაგებობა, საქონლის სადგომი დაენგრა.
ავტორი
