ფიფა-ს განახლებულ მსოფლიო რეიტინგში საქართველოს ეროვნულმა ნაკრებმა პოზიცია შეინარჩუნა და კვლავ 72-ე ადგილს იკავებს.
1 tv.ge-ს ცნობით, რაც შეეხება ერთა ლიგაზე ჩვენს ჯგუფს, მეტოქეებს შორის საუკეთესო მაჩვენებელი უკრაინას აქვს, რომელიც 32-ე პოზიციაზე იმყოფება. უნგრეთის ეროვნული ნაკრები სამი საფეხურით დაწინაურდა და 39-ე ადგილზე გადაინაცვლა, მსოფლიო რეიტინგის უცვლელი ლიდერი კი კვლავ მოქმედი მსოფლიო ჩემპიონი არგენტინაა.
ვილი სანიოლის შეგირდები შემოდგომაზე ერთა ლიგის გათამაშებაში ჩაერთვებიან, სადაც მათი მეტოქეები უკრაინის, უნგრეთისა და ჩრდილოეთ ირლანდიის ნაკრებები იქნებიან.
