შეერთებული შტატების სახელმწიფო დეპარტამენტის პრესსპიკერის ნედ პრაისის თქმით, რუსეთის ისტორია ცხადყოფს, რომ ის პატივს არ სცემს მეზობელი ქვეყნების სუვერენიტეტს. ამის შესახებ პრაისმა სახელმწიფო დეპარტამენტში გამართულ ბრიფინგზე განაცხადა.
ჟურნალისტმა მას შეკითხვა დაუსვა რუსეთის მიერ სომხეთისა და აზერბაიჯანის ლიდერებთან ერთად სოჭში დაგეგმილი შეხვედრაზე.
პრაისმა თქვა, რომ ის არ შეაფასებს რუსეთის კონკრეტული ძალისხმევას, თუმცა აღნიშნა, რომ მეზობელ ქვეყნებთან რუსეთის ურთიერთობის ისტორია, მათ შორის 2008 წელს საქართველოში შეჭრა და უკრაინაში მიმდინარე ომი აჩვენებს, რომ რუსეთი სანდო პარტნიორი არაა.
,,გრძელდება დეზინფორმაცია, უფრო ზუსტად, დეზინფორმაცია, რომელიც მომდინარეობს გარკვეული კუთხიდან, მათ შორის მოსკოვიდან, როდესაც საქმე ეხება ჩვენს ზრახვებს სომხეთისა და აზერბაიჯანის მიმართ. შეერთებული შტატები ორივე ამ ქვეყნის პარტნიორია. ათწლეულების განმავლობაში ჩვენ ორივე ამ ქვეყნის პარტნიორი ვიყავით.
არ არსებობს აშშ-ზე დიდი მხარდამჭერი სამხრეთ კავკასიის ქვეყნების, მათ შორის სომხეთისა და აზერბაიჯანის სუვერენიტეტისა და დამოუკიდებლობისთვის. სომხეთის და აზერბაიჯანის დამოუკიდებლობის აღდგენა 1991 წელს საბჭოთა კავშირისგან – ეს იყო მნიშვნელოვანი მოვლენა, რომელიც გარანტირებული იყო თითოეულ ამ ქვეყანის საკუთარი საგარეო პოლიტიკური ინტერესები, მოსკოვისა თუ მსოფლიოს ნებისმიერი სხვა ქვეყნისგან დამოუკიდებლად.
ასე რომ, როდესაც ჩვენ ვურთიერთობთ სომხეთთან და აზერბაიჯანთან, ჩვენ ამას ვაკეთებთ ერთი მიზნით და ეს არის ბოლო მოუღოს ძალადობას და დავაყენოთ ეს ქვეყნები გრძელვადიანი და ყოვლისმომცველი მშვიდობის გზაზე. ჩვენ ამ ქვეყნებთან – სომხეთთან და აზერბაიჯანთან – წახალისებული და ცხადი ვიყავით, რომ ისინი უნდა შეხვდნენ იმ ფორმატში, რომელიც მათთვის ყველაზე სასარგებლოა. ჩვენ გვწამს პირდაპირი დიალოგის სარგებლიანობა საკითხების გადასაჭრელად და ამ ხანგრძლივი მშვიდობის მისაღწევად.
მე არ ვაპირებ კონკრეტულად კომენტარის გაკეთებას რუსეთის ფედერაციის ძალისხმევაზე, გარდა იმისა, რომ ამ ორმა ქვეყანამ უნდა გადაწყვიტოს, როგორი მიდგომა ექნებათ ამ მოლაპარაკებების მიმართ. ჩვენ – ვფიქრობთ, მსოფლიომ იცის რუსეთის ისტორია, როდესაც საქმე ეხება მის მეზობლებს. რუსეთის 2008 წლის შემოჭრა საქართველოში და მისი უწყვეტი სასტიკი შეჭრა უკრაინაში ცხადყოფს, რომ მოსკოვი ნაკლებად პატივს სცემს მეზობლების სუვერენიტეტს და ის არ არის სანდო, გრძელვადიანი პარტნიორი. ჩვენ ვფიქრობთ, რომ ეს მკვეთრად განსხვავდება შეერთებული შტატებისგან. კიდევ ერთხელ, ჩვენი ერთადერთი მიზანია დავეხმაროთ ამ ქვეყნებს ძალადობის დასასრულებლად და გრძელვადიანი და ყოვლისმომცველი მშვიდობის მიღწევაში, რაც ასე ძალიან სურთ სომხეთისა და აზერბაიჯანის ხალხს.“ – თქვა ნედ პრაისმა.
ავტორი
