ოზურგეთის მუნიციპალიტეტის სოფელ გურიანთის ცენტრში მდებარე შენობას, სადაც მემორიალური მუზეუმია განთავსებული აუქციონზე აღარ გაიტანენ. ეს ინფორმაცია ოზურგეთის მუნიციპალიტეტის სოფელ გურიანთის ცენტრში მდებარე შენობას, სადაც მემორიალური მუზეუმია განთავსებული აუქციონზე აღარ გაიტანენ, _ ეს ინფორმაცია დღეს აგრარულ საკითხთა, ქონების მართვისა და ბუნებრივი რესურსების საკითხების კომისიაზე გადაწყდა.
კომისიის თავმჯდომარის, გოჩა კილაძის თქმით, ამ საკითხთან დაკავშირებით არაერთი წერილი იყო შესული კომისიაში. ადგილობრივები მცხოვრებლები, ასევე, ითხოვდნენ, არ გაეტანათ შენობა და მიწის ნაკვეთი აუქციონზე.
საკრებულოს წევრი ლავრენტი ბიგვავა: „შენობის პირველ სართულზე სარიტუალო დარბაზია და მეორეზე კი მუზეუმია განთავსებული. აქედან გამომდინარე, არამგონია მუზეუმი და დარბაზი ერთ შენობაში უნდა იყოს. კახა ბენდუქიძე ამბობდა, ყველაფერი უნდა გაყიდო, სინდისის და ნამუსის გარდაო“.
კომისიის სხდომაზე ითქვა, რომ ადგილობრივ მცხოვრებ სიკო მეხუზლას, რომელსაც სურვილი ჰქონდა აუქციონში მიეღო მონაწილეობა, ბოლო ეტაპზე გადაიფიქრა.
ასევე “გურია ნიუსისთვის“ გახდა ცნობილი, რომ ოზურგეთის მუნიციპალიტეტის მერია სხვადასხვა ვარიანტს განიხილავს მუზეუმთან დაკავშირებით.
ოზურგეთის მუნიციპალიტეტის საკრებულოს განათლების, კულტურის, სპორტის, ახალგაზრდულ საქმეთა, ჯანმრთელობისა და სოციალურ საკითხთა კომისიის კომისიის თავმჯდომარემ ლელა საჯაიამ დამსწრეთ გააცნო ა(ა)იპ ,,ოზურგეთის მუნიციპალიტეტის ცენტრალურ მუზეუმსა და გურიანთის მემორიალურ მუზეუმში შექმნილი ვითარების შესახებ, აღნიშნა, რომ მუზეუმებში შექმნილი მდგომარეობა საგანგაშოა. შენობაში ჩამოდის წყალი, რაც იწვევს ექსპონატების დაზიანებას. საჭიროა სასწრაფოდ იქნას მიღებული ზომები ექსპონატების გადასარჩენად. კომისიამ ასევე მოისმინა ა(ა)იპ ,,ოზურგეთის მუნიციპალიტეტის სამუზეუმო გაერთიანების“ დირექტორის გ.ტრაპაიძის ინფორმაცია ოზურგეთის მხარეთმცოდნეობის მუზეუმსა და გურიანთის მემორიალურ მუზეუმში შექმნილი ვითარების შესახებ, აღნიშნა რომ მუზეუმებში შექმნილი მდგომარეობა საგანგაშოა და საჭიროებს მყისიერ რეაგირებას მუზეუმებში დაცული უნიკალური ექსპონატების გადასარჩენად
კომისიაზე საკრებულოს წევრმა მაია ზოიძემ თქვა, რომ მართლაც საგანგაშოა შენობის მდგომარეობა, აღსანიშნავია ისიც, რომ შენობის პირველ სართული ეკუთვნის კერძო პირს, რომელშიც განთავსებულია სარიტუალო დარბაზი, დარბაზი ფაქტიურად ვერ მუშაობს შენობის მდგომარეობის გამო. აუცილებელია სასწრაფო ზომების მიღება, რათა მოხდეს შენობის რეაბილიტაცია და გადარჩეს ექსპონატები. მაია ზოიძემ აქვე დასვა შეკითხვა ხომ არ იგეგმება ვაშნარის ტერიტორიაზე მუზეუმის აშენება.
ოზურგეთის მუნიციპალიტეტის მერის მოადგილემ, ირაკლი სირაძემ აღნიშნა, რომ ცენტრალური მუზეუმის რემონტისათვის გამოყოფილია თანხები და დაიწყება შენობის რეაბილიტაცია. რაც შეეხება გურიანთის მემორიალური მუზეუმს, შენობა მართლაც
სავალალო მდგომარეობაშია საჭიროა სასწრაფო ზომების მიღება აქვე გასათვალისწინებელია კერძო პირის ინტერესებიც.
სხდომას ბიზნესმენი სიკო მეხუზლა ესწრებოდა, რომელმაც აღნიშნა, რომ გაარემონტა შენობის პირველი სართული, მაგრამ ვერ სარგებლობს მეორე სართულიდან ჩამოდის წყალი და ხელი ეშლება ბიზნეს საქმიანობაში.
კომისიამ მიიღო შემდეგი გადაწყვეტილება: ოზურგეთის მუნიციპალიტეტის მერიის შესაბამის სამსახურებთან ერთად განიხილოს პრობლემების მოგვარების ალტერნატიული გზები. კომისიამ მიზანშეწონილად მიიჩნია დაევალოს ოზურგეთის მუნიციპალიტეტის მერიას ორი კვირის ვადაში წარმოადგინოს გასატარებელ ღონისძიებათა გეგმა და მოამზადოს გურიანთის მემორიალური მუზეუმის რეაბილიტაციის პროექტი და თანხები გათვალისწინებულ იქნას 2019 წლის ბიუჯეტში.
“გურია ნიუსმა“ მოიპოვა შემდეგი ინფორმაცია: მუზეუმი გადავიდეს ვაშნარის ნაქალაქების ტერიტორიაზე ან მოხდეს ძველი შენობის სრული რეაბილიტაცია.
