“შოკი: კანცელარიასთან გატარებული ღამის შემდეგ მინისტრი შეხვდა მშობლებს და ეუბნება ეს ფული აქ კი არ მილაგიაო. არ ვიგონებ. უზნეო ადამიანი. 770 მილიონის მქონე უწყება, რომელსაც ფული ჩვენ მივეცით და ფული ამ მშობლებმა მისცეს, მის პატარა თანამოქალაქეებს ეუბნება: ახლა თქვენი გადასარჩენი ფული კი არ მილაგიაო.
თვეებია წამალს ითხოვენ დედები და შვილების დაბადების დღეს გულის ხეთქვით ხვდებიან. არ გვიხარიაო. რაც უფრო მეტად ემატებათ ასაკი ბავშვებს, მით უფრო ემატებათ რისკები.
აქონდროპლაზია ზრდის შეფერხებას არ ნიშნავს მხოლოდ. ეს ნიშნავს, რომ ნებისმიერ წამს შეიძლება რომელიმე ორგანიზმა უარი თქვას მუშაობაზე. იშვიათი დაავადებაა და ყველა ნორმალურ ქვეყანაში და მეტიც, არანორმალურ (მაგალითად, რუსეთშიც კი) იმ წამალს იკეთებენ ბავშვები, რომელიც ქართველ ბავშვებს ოცნებად ექცათ.
მშობლები ღამეს ათენებენ მთავრობის კანცელარიასთან, რომ შვილებისთვის სასიცოცხლოდ საჭირო წამალი დააფინანსოს სახწლმწიფომ. იმ სახელმწიფომ, რომელიც ოზურგეთში კუბოს ფორმის საყვავილეების მოწყობაზე ბიუჯეტიდან 2.15 მილიონ ლარს იხდის.
კანცელარიასთან შეუერთდით მშობლებს, ჩემო მეგობრებო, ფრენდებო, დედებო და მამებო, არ დავტოვოთ მარტო ეს ბავშვები და სასოწარკვეთილი დედები.” _ წერს სოციალურ ქსელში ჟურნალისტი ვიკა ბუკია.
